Politics

بی جے پی ایم ایل سی نے وزیراعلی یوگی کو لکھا خط، کہا: ’ہم لوک سبھا ہار گئے ہیں، اگر2027 میں جیتنا ہے تو…‘

Salar urdu publication8 months ago8 months ago9271 mins

بی جے پی ایم ایل سی دیویندر پرتاپ سنگھ نے وزیر اعلی یوگی آدتیہ ناتھ کو خط لکھا ہے۔ خط میں انہوں نے کہا کہ اگر بی جے پی کو 2027 میں جیتنا ہے تو اساتذہ کی حاضری کے مسئلے پر دھیان دینا ہوگا۔

انہوں نے اپنے خط میں لکھا کہ اساتذہ اپنی تمام ذمہ داریوں کو اہم طریقے سے نبھاتے ہیں، 1621 اساتذہ کی جانیں گئیں۔ حکومت ان کی قربانی کو بھول گئی۔ ان پرائمری اساتذہ کے دم پر ہندوستان میں پولیو ڈراپ کا عالمی ریکارڈ تو بنایا لیکن ان کی توہین اور ان کو ناراض کرنے کے مقصد سے ان کی ڈیجیٹل حاضری کا قانون بنایا گیا ہے۔ ہم حکومت کے چیف سکریٹری سے پوچھنا چاہتے ہیں کہ حکومت ان قواعد کو بناتے وقت یکسانیت کا خیال رکھے۔ آپ کو ان سے بات کرنی چاہئے تھی جن کے لیے آپ یہ کام کرنے جا رہے ہیں۔ ریاست کے کسی بھی محکمہ میں ڈیجیٹل حاضری نہیں ہے، لیکن اساتذہ کے لیے ایسا کیوں کیا جا رہا ہے۔ یہ ان کے خلاف کیوں کیا جا رہا ہے جن کے فرائض سے جمہوریت مضبوط ہورہی ہے۔ ریاستی بیوروکریسی حکومت کے خلاف ایک سازش کے تحت ایسا کر رہی ہے۔ جن لوگوں نے یہ اصول بنایا ہے وہ تمام لوگ حکومت کے خلاف سازش میں ملوث ہیں۔

انہوں نے مزید لکھا کہ ہمارے کارکنوں کی عزت نہیں ہے۔ کارکنان مایوس ہوکر گھروں میں بیٹھ گئے ہیں۔ دوسرا سب سے بڑا سوال یہ ہے کہ امیدواروں کے خلاف باتیں کی گئیں، ؟ آئین بدلنے کو لے کر افواہ کی لہر دوڑ گئی۔ سپریم کورٹ نے آرٹیکل 142 کے تحت حکومت کو لامحدود اختیارات دیے، لیکن افسر نے غلط فیصلہ کرتے ہوئے اساتذہ کو باہر کردیا۔ 2027 کے انتخابات میں کامیابی حاصل کرنے کے لیے ہماری حکومت کو اس ڈیجیٹل حاضری کو واپس لینا ہوگا۔ اگر حکومت ہماری تجاویز کو قبول کرتی ہے تو 2027 میں بھارتیہ جنتا پارٹی کی حکومت بن جائے گی۔

انہوں نے مزید کہا کہ ایک ذمہ دار عوامی نمائندہ ہونے کے ناطے حکومت کو عوام کے مسائل سے آگاہ کرنا میرا کام ہے۔ میں وہی کر رہا ہوں۔ سبھی کو ایسا کرنا چاہئے، کو عوام کے مسائل سے حکومت کو آگاہ کرنا چاہئے ۔