پنجاب میل میں پھیلی آگ کی افواہ، چلتی ٹرین سے کود پڑے لوگ، 20 زخمی، 7 کی حالت تشویشناک

پنجاب میل میں پھیلی آگ کی افواہ، چلتی ٹرین سے کود پڑے لوگ، 20 زخمی، 7 کی حالت تشویشناک

پنجاب میل ایکسپریس میں اچانک بھگدڑ مچ گئی جس میں 20 سے زائد مسافر زخمی ہوگئے۔ زخمیوں کو شاہجہاں پور میڈیکل کالج میں داخل کرایا گیا ہے، جہاں 7 افراد کی حالت تشویشناک بتائی جاتی ہے۔

شاہجہاں پور: اترپردیش کے شاہجہاں پور سے بڑی خبر سامنے آئی ہے۔ اتوار کی صبح پنجاب میل ایکسپریس میں اچانک بھگدڑ مچ گئی جس میں 20 سے زائد مسافر زخمی ہوگئے۔ زخمیوں کو شاہجہاں پور میڈیکل کالج میں داخل کرایا گیا ہے، جہاں 7 افراد کی حالت تشویشناک بتائی جاتی ہے۔ یہ واقعہ بریلی اور کٹرا اسٹیشن کے درمیان پیش آیا۔ موصولہ اطلاعات کے مطابق ٹرین میں اچانک آگ لگنے کی افواہ پھیل گئی، جس کی وجہ سے بہت سے مسافر ڈر سے چلتی ٹرین سے کود گئے۔

شاہجہاں پور میں اتوار کو افراتفری مچ گئی۔ لوگ چلتی ٹرین سے اچانک کودنے لگے۔ خوفزدہ لوگ جان بچانے کے لیے بھاگنے لگے۔ بھگدڑ میں متعدد افراد زخمی ہوئے جب کہ 7 افراد کی حالت تشویشناک بتائی جاتی ہے۔ انہیں علاج کے لیے شاہجہاں پور میڈیکل کالج میں داخل کرایا گیا ہے۔ یہ واقعہ امرتسر سے ہاوڑہ جانے والی ٹرین نمبر 13006 پنجاب میل ایکسپریس میں پیش آیا ہے۔ بتایا جا رہا ہے کہ آگ لگنے کی افواہ سے بھگدڑ مچ گئی اور لوگوں نے جان بچانے کے لیے ٹرین سے چھلانگ لگا دی۔

موصولہ اطلاعات کے مطابق ٹرین نمبر 13006 پنجاب میل ایکسپریس امرتسر سے ہاوڑہ جا رہی تھی۔ وہ صبح ساڑھے آٹھ بجے بل پور کٹرا اسٹیشن کے درمیان پہنچی۔ جنرل کوچ میں دھواں بھرتا دیکھ کر لوگوں نے سمجھا کہ بوگی میں آگ لگ گئی ہے۔ ایسے میں مسافر ٹرین سے چھلانگ لگا کر بھاگنے لگے۔ ٹرین میں سفر کرنے والے ایک اور عینی شاہد مسافر نے بتایا کہ سیز فائر سلنڈر کے لیک ہونے سے دھواں نکلا تھا لیکن لوگوں کا خیال تھا کہ یہ آگ کا دھواں ہے۔

بھگدڑ کے اس حادثے میں کئی لوگ زخمی ہوئے ہیں۔ اس واقعہ سے جی آر پی سمیت ریلوے انتظامیہ میں افراتفری مچ گئی۔ بوگیوں کے خالی ہونے کے بعد جب ٹرین کو روک کر چیک کیا گیا تو سب کچھ ٹھیک پایا گیا۔ اس کے بعد زخمیوں کو خواتین اور گارڈ  بوگی میں شاہجہاں پور لے جایا گیا اور وہاں سے انہیں اسپتال بھیج دیا گیا۔