کولکاتہ ڈاکٹر آبروریزی اور قتل کیس : سی بی آئی دفتر پہنچنے لگے ثبوت، سنجے رائے کا ہوا پولی گراف ٹیسٹ

من کی بات پروگرام میں وزیراعظم مودی کا نوجوان طاقت پر دھیان، اسپیس سیکٹر میں اڑان

کولکاتہ پولس کی ایس آئی ٹی ، قتل اور عصمت دری کی جانچ کر رہی تھی، وہ سی بی آئی کے دفتر پہنچی۔ افسران 5 گاڑیوں میں ثبوت لے کر سی بی آئی کے دفتر پہنچے۔ ان میں مجرموں کا پورا حساب کتاب ہے۔ دوسری جانب مرکزی ملزم سنجے رائے کا پولی گرافی ٹیسٹ مکمل ہو گیا۔ اس کا سچ سے سامنا کرایا گیا ہے۔

کولکاتہ : کولکاتہ کے آر جی کر کالج میں ٹرینی ڈاکٹر کے ریپ اور قتل کیس کے قصوروار اب نہیں بچ پائیں گے ۔ سی بی آئی ایک ایک کرکے ثبوت اکٹھا کررہی ہے۔ کولکاتہ پولس کی ایس آئی ٹی ، قتل اور عصمت دری کی جانچ کر رہی تھی، وہ سی بی آئی کے دفتر پہنچی۔ افسران 5 گاڑیوں میں ثبوت لے کر سی بی آئی کے دفتر پہنچے۔ ان میں مجرموں کا پورا حساب کتاب ہے۔ دوسری جانب مرکزی ملزم سنجے رائے کا پولی گرافی ٹیسٹ مکمل ہو گیا۔ اس کا سچ سے سامنا کرایا گیا ہے۔

ذرائع کے مطابق اس سے 25 سوالات پوچھے گئے ہیں۔ اس نے کئی سوالات کے جوابات دیے ہیں، جو ملزمین کی گرفتاری میں کافی مفید ثابت ہوں گے۔ اس سے پہلے آر جی کر کالج کے سابق پرنسپل سے 20 سوالات پوچھے گئے تھے۔ کولکاتہ میں 15 مقامات پر سی بی آئی کے چھاپے جاری ہیں۔

سنجے رائے کا پولی گراف ٹیسٹ اتوار کی دوپہر تقریباً 12:40 بجے علی پور پریسیڈینسی جیل میں شروع ہوا۔ اس نے تقریباً تین گھنٹے تک سچائی کا سامنا کیا۔ اس ٹیسٹ کے ذریعے یہ معلوم کیا جا سکے گا کہ اس واقعے میں کوئی اور ملوث ہے یا نہیں۔ سی بی آئی کی ٹیم آج ہوئے پولی گراف ٹیسٹ کی رپورٹ کو سنجے رائے کے نفسیاتی ٹیسٹ کی رپورٹ کے ساتھ میچ کرے گی۔ اس سے پتہ چل جائے گا کہ ملزم نے ان دونوں ٹیسٹوں میں سی بی آئی کے سوالات کے جواب میں کتنا سچ کہا ہے۔

دوسری طرف کولکاتہ پولس کی ایس آئی ٹی 5 گاڑیوں میں ثبوت لے کر سی بی آئی کے دفتر پہنچی۔ اس میں گنہگاروں کی پوری کنڈلی موجود ہے۔ آر جی کر میڈیکل کالج کا عملہ بھی کچھ دستاویزات کے ساتھ سی بی آئی کے دفتر پہنچ گیا ہے۔ کچھ ایسے رجسٹر ہیں جن پر آر جی کر میڈیکل کالج لکھا ہوا ہے۔ اس میں بہت کچھ ہو سکتا ہے۔

ڈاکٹر سندیپ گھوش پر گرفتاری کی تلوار

دوسری طرف سی بی آئی کی اینٹی کرپشن ٹیم آر جی کر کالج کے سابق پرنسپل سندیپ گھوش کے گھر پر مسلسل تلاشی مہم چلارہی ہے۔ صبح 8 بجے سے تفتیش جاری ہے۔ ذرائع کے مطابق اب تک ملنے والے شواہد کی بنیاد پر ڈاکٹر سندیپ گھوش کے خلاف گرفتاری کا خطرہ منڈلا رہا ہے۔ اس کے ساتھ ہی کولکاتہ میں بھی 14 دیگر مقامات پر سی بی آئی کا سرچ آپریشن جاری ہے۔ سی بی آئی سندیپ گھوش کے کچھ قریبی رشتہ داروں، اسپتال کے دیگر عہدیداروں اور ایڈمن بلاک پر چھاپے مار رہی ہے۔