نئی دہلی:6فروری(ایجنسی)ڈیل ٹیکنالوجیز نے پیر کے روز کہا کہ وہ عالمی سطح پر تقریباً 6650 ملازموں کی چھنٹنی کرے گی۔ بلومبرگ نے ذرائع کا حوالہ دیتے ہوئے رپورٹ کی ہے کہ چھنٹنی میں کمپنی کے عالمی ورک فورس کا 5 فیصد متاثر ہوگا۔ کوچیف آپریٹنگ افسر جیف کلارک نے کہا کہ کمپنی بازار کے مشکل حالات کا سامنا کر رہی ہے جو غیر یقینی مستقبل کے ساتھ لگاتار خراب ہو رہی ہے۔ کلارک نے ملازموں سے کہا کہ لاگت میں کٹوتی کی ترکیب، جیسے کام پر رکھنے اور سفری پابندی اب مناسب نہیں ہیں۔میڈیا رپورٹ کے مطابق اس کے علاوہ کمپنی کے ترجمان نے کہا کہ محکمہ کی از سر نو تشکیل، ملازمت میں تخفیف کے ساتھ صلاحیت کو چلانے کے مواقع کی شکل میں دیکھا جاتا ہے۔ ڈیل اور دیگر ہارڈ ویئر مینوفیکچرر نے کورونا وبا کے بعد پی سی بوم اور پھر طلب میں گراوٹ کا تجربہ کیا ہے۔ انٹرنیشنل ڈاٹا کارپوریشن (آئی ڈی سی)کی رپورٹ کے مطابق 2022 میں ہندوستانی روایتی پی سی مارکیٹ میں سال در سال 11.7 فیصد کی گراوٹ آئی، ستمبر سہ ماہی میں 3.9 ملین یونٹ کی شپمنٹ کے ساتھ لگاتار 8 سہ ماہیوں میں اضافہ ہوا۔ ایچ پی نے 940000 سے زیادہ یونٹس فروخت کیے اور صارف ڈیویژن میں مضبوط مظاہرہ کے ساتھ لینوو نے ڈیل کو پیچھے چھوڑ دیا۔ ڈیل ٹیکنالوجیز تیسرے مقام پر کھسک گئی۔ اس نے صارف ڈیویژن میں رفتار گنوا دی ہے۔