محمد یونس بنگلہ دیش کی عبوری حکومت کےبن گئےسربراہ ، عہدے اور رازداری کا اٹھایاحلف

بنگلہ دیش کی عبوری حکومت کے سربراہ پروفیسرمحمد یونس نے کہا کہ ان کی قیادت میں حکومت ملک کے شہریوں کے تحفظ کو یقینی بنائے گی۔ پیرس سے ڈھاکہ واپسی کے بعد یونس کا ایئرپورٹ پر آرمی چیف وقار الزمان، سینئر افسران اور طلباء رہنماؤں نے استقبال کیا۔ اس دوران انہوں نے کہا کہ ان کی حکومت کا پہلا کام امن و امان کو پٹری پر لانا، افراتفری پر قابو پانا اور اقلیتوں پر حملوں کو روکنا ہوگا

بنگلہ دیش میں شیخ حسینہ کی حکومت کے جانے کے بعد عبوری حکومت قائم ہو گئی ہے۔ محمد یونس نے بنگلہ دیش کی عبوری حکومت کے سربراہ کی حیثیت سے اپنے عہدے اور رازداری کا حلف اٹھایا۔ بنگلہ دیش کے صدر محمد شہاب الدین نے بنگ بھابن میں منعقدہ تقریب حلف برداری میں محمد یونس سمیت عبوری حکومت کے تمام ارکان سے عہدے اور رازداری کا حلف لیا۔ نوبل انعام یافتہ محمد یونس کو سابق وزیر اعظم شیخ حسینہ کے بنگلہ دیش چھوڑنے کے بعد عبوری حکومت کی سربراہی کے لیے منتخب کیا گیا تھا۔ اب انہوں نے عہدے اور رازداری کا حلف اٹھا لیا ہے۔

ہماری حکومت ملک کے شہریوں کے تحفظ کو یقینی بنائے گی: پروفیسرمحمد یونس

بنگلہ دیش کی عبوری حکومت کے سربراہ پروفیسرمحمد یونس نے کہا کہ ان کی قیادت میں حکومت ملک کے شہریوں کے تحفظ کو یقینی بنائے گی۔ پیرس سے ڈھاکہ واپسی کے بعد یونس کا ایئرپورٹ پر آرمی چیف وقار الزمان، سینئر افسران اور طلباء رہنماؤں نے استقبال کیا۔ اس دوران انہوں نے کہا کہ ان کی حکومت کا پہلا کام امن و امان کو پٹری پر لانا، افراتفری پر قابو پانا اور اقلیتوں پر حملوں کو روکنا ہوگا۔ انہوں نے اقلیتوں پر حملوں کو ایک سازش قرار دیا۔ انہوں نے عوام پر زور دیا کہ وہ ملک کی تعمیر نو میں ان کا ساتھ دیں۔ 2006 میں امن کا نوبل انعام جیتنے والے یونس نے کہا کہ آج ہمارے لیے فخر کا دن ہے۔ ہم نے دوسری بار آزادی حاصل کی ہے اور ہمیں اس کی حفاظت کرنی ہے۔

محمد یونس کا طلباء کے نام پیغام

محمد یونس نے ملک کے تمام لوگوں سے ان کی بات سننے کی اپیل کی۔ انہوں نے کہا کہ طلباء اور نوجوانوں کی درخواست پر عبوری حکومت کی سربراہی پر رضامندی ظاہر کی ہے۔ یونس نے کہا، ‘اگر آپ کو مجھ پر یقین ہے تو آپ اس بات کو یقینی بنائیں کہ ملک میں کہیں بھی کسی پر حملہ نہیں ہوگا۔ یہ ہماری اولین ذمہ داری ہے۔