12 منٹ میں اسپتال تیار، کیا ہے بھیشم کیوب؟ وزیراعظم مودی نے یوکرین کو دیا ایسا تحفہ، جسے دیکھ کر پوری دنیا ہے حیران

12 منٹ میں اسپتال تیار، کیا ہے بھیشم کیوب؟ وزیراعظم مودی نے یوکرین کو دیا ایسا تحفہ، جسے دیکھ کر پوری دنیا ہے حیران

 جنگ سے متاثرہ یوکرین کے دورے پر موجود ہندوستانی وزیراعظم نریندر مودی نے واضح کیا کہ وہ امن کا پیغام لے کر آئے ہیں۔ وزیراعظم مودی نے کیف میں یوکرین کے صدر ولادیمیر زیلینسکی کو امداد سونپی، جس کے بارے میں جان کر پوری دنیا حیران ہے۔

ہ کیوبس زخمیوں  کے فوری علاج میں مدد فراہم کرنے کے ساتھ ساتھ بیش قیمتی زندگیوں کو بچانے میں بھی تعاون دیں گے۔ ہر ایک بھیشم کیوب ہر قسم کی چوٹوں اور طبی حالات کی دیکھ بھال کے شروعاتی مرحلے کے لیے ادویات اور آلات پر مشتمل ہوتا ہے۔ اس میں ایک بنیادی آپریشن روم کے لیے جراحی کا سامان بھی شامل ہے جو روزانہ 10-15 بنیادی سرجریوں کا انتظام کر سکتا ہے۔

کیوب میں چوٹ لگنے، خون بہنے، جلنے، فریکچر وغیرہ جیسے متنوع نوعیت کے تقریباً 200 معاملات کو سنبھالنے کی صلاحیت موجود ہے۔ یہ محدود مقدار میں اپنی خود کی طاقت اور آکسیجن بھی پیدا کر سکتا ہے۔ ہندوستان سے ماہرین کی ایک ٹیم کو یوکرین کی ٹیم کو کیوب چلانے کے لیے ابتدائی تربیت فراہم کرنے کی غرض سے تعینات کیا گیا ہے۔

بھیشم پورٹیبل ہاسپیٹل کیوبس میں ہر قسم کی طبی سہولیات موجود ہوتی ہیں۔ یہ کیوب صرف 12 منٹ میں تیار ہو جاتے ہیں۔ یہ ماسٹر کیوب کیج کے دو سیٹ ہوتے ہیں ، ہر ایک میں 36 چھوٹے کیوبز ہوتے ہیں۔ یہ کیوبز انتہائی مضبوط، واٹر پروف اور انتہائی ہلکے ہوتے ہیں۔

خیال رہے کہ یہ قدم یوکرین کو انسانی بنیاد پر امداد فراہم کرنے کے لیے ہندوستان کے مسلسل عزم کی نشاندہی کرتا ہے۔