وزیراعظم نریندرمودی دوروزہ دورے پرپولینڈ پہنچے، صدراوروزیراعظم سے کریں گے ملاقات

پی ایم مودی کا یہ دورہ گزشتہ 45 سالوں میں کسی بھی ہندوستانی وزیر اعظم کا پولینڈ کا پہلا دورہ ہے۔ پولینڈ میں اپنے قیام کے دوران مودی صدر اینڈرج سیباسٹین ڈوڈا سے ملاقات کریں گے اور وزیر اعظم ڈونالڈ ٹسک کے ساتھ دو طرفہ بات چیت کریں گے۔

وزیر اعظم نریندر مودی دو روزہ دورے پر بدھ کو وارسا، پولینڈ پہنچے۔ اس دوران دارالحکومت وارسا میں پی ایم مودی کا باقاعدہ استقبال کیا گیا۔ پولینڈ میں پی ایم مودی کی آمد کو لے کر ہندوستانی تارکین وطن میں کافی جوش و خروش ہے۔ وہ 21 سے 23 اگست تک پولینڈ اور یوکرین کے دورے پر ہوں گے۔ یادرہے کہ گزشتہ 45 سالوں میں کسی ہندوستانی وزیر اعظم کا پولینڈ کا یہ پہلا دورہ ہے۔ اس سے قبل 1979 میں مورار جی ڈیسائی پولینڈ گئے تھے۔

پی ایم مودی کا یہ دورہ گزشتہ 45 سالوں میں کسی بھی ہندوستانی وزیر اعظم کا پولینڈ کا پہلا دورہ ہے۔ پولینڈ میں اپنے قیام کے دوران مودی صدر اینڈرج سیباسٹین ڈوڈا سے ملاقات کریں گے اور وزیر اعظم ڈونالڈ ٹسک کے ساتھ دو طرفہ بات چیت کریں گے۔ پی ایم مودی نے کہا، ‘میرا پولینڈ کا دورہ ایسے وقت میں ہو رہا ہے جب ہمارے سفارتی تعلقات کے قیام کے 70 سال مکمل ہو رہے ہیں۔ پولینڈ وسطی یورپ میں ہندوستان کا ایک بڑا اقتصادی شراکت دار ہے۔

ی ایم مودی پولینڈ میں موجود ہندوستانی کمیونٹی کے لوگوں سے بھی مل سکتے ہیں۔پولینڈ پہنچنے کے بعد پی ایم مودی نے سوشل میڈیا پلیٹ فارم X پر پوسٹ کیا۔ انہوں نے کہا، “پولینڈ میں اترگیا ہوں۔ یہاں مختلف پروگراموں میں شرکت کرونگا۔ اس دورے سے ہندوستان۔پولینڈتعلقات کو کو تقویت ملے گی، جس سے لوگوں کو فائدہ ہوگا۔”

پولینڈ کے بعد پی ایم مودی یوکرین جائیں گے۔

پولینڈ کے دو روزہ دورے کے بعد پی ایم مودی 23 اگست کو یوکرین کا دورہ کریں گے۔ وزیر اعظم مودی چوتھی بار ولادیمیر زیلینسکی سے ملاقات کریں گے۔ دونوں رہنماؤں کی آخری ملاقات 14 جون 2024 کو اٹلی میں منعقدہ G7 سربراہی اجلاس میں ہوئی تھی۔ توقع ہے کہ وزیر اعظم مودی اور صدر زیلنسکی کے درمیان جنگ سمیت کئی مسائل پر بات چیت ہوگی۔

پولینڈ اور یوکرین کے دورے پر جانے سے پہلے پی ایم مودی نے کیا کہا؟

اس سے پہلے پولینڈ اور یوکرین کے دورے پر جانے سے پہلے پی ایم مودی نے کہا تھا کہ میرا پولینڈ کا دورہ ایسے وقت میں ہو رہا ہے جب ہم اپنے سفارتی تعلقات کے 70 سال مکمل کر رہے ہیں۔ پولینڈ وسطی یورپ میں ایک بڑا اقتصادی شراکت دار ہے۔ جمہوریت کے لیے ہماری باہمی وابستگی ہمارے تعلقات کو مزید مضبوط بناتی ہے۔

دوسری جانب پولینڈ میں ہندوستان کی سفیر نغمہ محمد ملک نے کہا کہ وزیر اعظم مودی کے دو روزہ دورے کے دوران پولینڈ کی قیادت کے ساتھ ہونے والی بات چیت سے دونوں فریقین کو مختلف موضوعات پر اعلیٰ سطحی خیالات کا تبادلہ کرنے کا موقع ملے گا۔ وزیر اعظم مودی وارسا سے یوکرین جائیں گے۔