سماجی اور تعلیمی سروے:افواہوں پر توجہ نہ دیں: ڈپٹی کمشنر
بنگلورو۔ 29 ستمبر (سالار نیوز)سماجی اور تعلیمی سروے پورے بنگلور شہری ضلع میں مو¿ثر طریقے سے کیا جا رہا ہے۔ تاہم کچھ رہائشی ،افواہوں کی وجہ سے کہ ان کے راشن کارڈ منسوخ ہو جائیں گے، شمار کنندگان کے ساتھ اپنی معلومات کا اندراج کرنے سے ہچکچا رہے ہیں۔ضلع مجسٹریٹ اور بنگلور کے اربن ضلع کے ڈپٹی کمشنر جی جگدیش نے وضاحت کی کہ ریاستی حکومت کے اس اہم منصوبے کا مقصد صرف پسماندہ طبقات اور دیگر برادریوں کے سماجی اور تعلیمی ڈیٹا کو اکٹھا کرنا ہے۔ انہوں نے واضح کیا کہ سروے کے دوران کوئی راشن کارڈ منسوخ نہیں کیا جائے گا۔انہوں نے مزید کہا کہ جمع کردہ اعداد و شمار ریاست بھر میں سماجی، تعلیمی اور معاشی عدم مساوات کو دور کرنے کےلئے اسکیموں کی تشکیل میں معاون ثابت ہوں گے۔انہوں نے عوام پر زور دیا کہ وہ ایسی کسی بھی افواہ پر توجہ نہ دیں اور بغیر کسی روک ٹوک اور خوف کے سروے میں حصہ لیں۔