بنگلورو پےالیس معاملہ میںکرناٹک کو راحت
سپریم کورٹ نے ٹی ڈی آر سرٹیفکیٹس سے متعلق سابقہ حکم پر عارضی طور پر روک لگائی
نئی دہلی، 29مئی (یواین آئی) سپریم کورٹ نے بنگلور پیلس گرا¶نڈ سے متعلق 3,400کروڑ روپئے سے زیادہ کے ٹرانسفر ایبل ڈیولپمنٹ رائٹس (ٹی ڈی آر) سرٹیفکیٹ سے متعلق سابقہ احکامات پر عارضی طور پر روک لگا کر جمعرات کو کرناٹک حکومت کو ایک بڑی راحت دی ہے ۔جسٹس سوریہ کانت، جسٹس دیپانکر دتہ اور جسٹس این کوٹیشور سنگھ کی پارٹ ٹائم ورکنگ ڈے بنچ نے بیلاری اور جے محل روڈ کو چوڑا کرنے کے لیے بنگلور پیلس گرا¶نڈ کی 15ایکڑ سے زیادہ اراضی کے معاملہ میں یہ راحت دی۔عدالت نے اس اراضی کے بدلے سری کانت دت نرسمہاراجا وڈیار اور دیگر کے قانونی وارثوں کے حق میں 3,400کروڑ روپئے سے زیادہ کے ٹی ڈی آر سرٹیفکیٹ حوالے کرنے کے سابقہ حکم پر عارضی طور پر روک لگا دی ہے ۔بنچ نے کہا کہ تمام ٹی ڈی آر سرٹیفکیٹ رجسٹری میں جمع رہیں گے اور اگر وہ جاری کیے جاتے ہیں، تو ان کا استعمال نہیں کیا جائے گا اور نہ ہی کسی تیسرے فریق کو اس کا حق ملے گا۔عدالت نے حکم دیا کہ ٹی ڈی آر سرٹیفکیٹ جاری کرنے کے 22مئی کے حکم کے خلاف ریاستی حکومت کی طرف سے دائر نظرثانی کی درخواست کی سماعت 21جولائی 2025سے شروع ہونے والے ہفتے میں کی جائے گی۔بنچ نے کہاکہ “اگر نظرثانی کی درخواست کو خارج کر دیا جاتا ہے ، تو عبوری ہدایات اس طرح کے حکم کی منظوری کی تاریخ سے چار ہفتوں تک یا تین ججوں کی بنچ (جو بھی بعد میں ہو) کے ذریعہ اس کی سماعت کرنے تک کام کرتی رہیں گی۔“ بنچ نے یہ بھی ہدایت دی کہ اہم سول اپیل کی سماعت 18 اگست 2025کو کی جائے ۔سپریم کورٹ نے توہین عدالت کی کارروائی میں 22مئی کو جاری کردہ ہدایت میں ترمیم کے لیے کرناٹک حکومت کی درخواست پر سینئر وکیل کپل سبل کی سماعت کے بعد یہ حکم جاری کیا۔سالیسٹر جنرل کے سشی کرن شیٹی اور ایڈیشنل ایڈوکیٹ جنرل نشانت پاٹل بھی کرناٹک حکومت کی طرف سے پیش ہوئے ۔ دوسری طرف، جس کی قیادت سینئر وکلاءاے کے گنگولی اور گوپال سنکرانارائن اور دیگر نے کی، انہوں نے دلیل دی کہ ریاستی حکومت کی طرف سے اٹھائے گئے دلائل پر کئی بار غور کیا گیا اور اسے مسترد کر دیا گیا۔ مسٹر گنگولی نے بنچ کے سامنے پوچھاکہ انہوں نے 2014کے حکم میں ترمیم کا مطالبہ کیا اور کہا کہ اسے تین مختلف بنچوں نے خارج کر دیا ہے ۔مسٹر شنکرارائنن نے کہا کہ انٹر کورٹ اپیل نہیں ہو سکتی۔ وکلاءکے دلائل سننے کے بعد بنچ نے 18اگست 2025سے شروع ہونے والے ہفتہ میں اہم سول اپیلوں کو تین ججوں کی بنچ کے سامنے درج کرنے کی ہدایت دی۔بنچ نے کہاکہ”ایک عبوری اقدام کے طور پر توہین عدالت کی کارروائی میں منظور کیے گئے حکم کی تعمیل میں جاری کردہ تمام ٹی ڈی آر اگلے احکامات تک رجسٹری میں جمع رہیں گے۔“ عدالت نے مزید پیچیدگیوں سے بچنے کے لیے سابقہ احکامات بشمول 22مئی 2025کو روک دیا۔
