اقلیت اور اکثریت کے درمیا ن نفرت کا جواب کنڑا زبان سیکھ کر دیا جا سکتا ہے۔پرشوتم بلی ملے
عنقریب مساجد کے ائمہ وخطیب حضرات کےلئے کنڑا تربیتی پروگرام کا آغاز کیاجائے گا: ضمیر احمد خان
بنگلورو۔5 اگست (سالار نیوز) اقلیتی طبقات اور اکثریتی طبقات کے درمیا ن تعلقات کو خوشگوار بنانے کےلئے زبان کو اپنانا ہی بہترین طرےقہ ہے۔ عربی مدارس کے اساتدہ اور طلباءکو کنڑا تعلیم سے آراستہ کرنے کےلئے محکمہ¿ اقلیتی بہبود کی طرف سے شروع کیا گیا پروگرام اس سمت میں کافی معاون ثابت ہو سکتا ہے۔ ےہ بات منگل کے روز کنڑا ڈیولپمنٹ اتھارٹی کے چیرمین ڈاکٹر ایم پرشوتم بلی ملے نے کہی۔ مدارس کے تقریباً180اساتذہ کےلئے کنڑا تعلیم کے پروگرام کا افتتاح کرنے کے بعد انہوں نے کہا کہ زبان سے ناواقفیت کی بنا پر کسی بھی طبقے کو پشیمان نہیں کیا جانا چاہئے۔ لےکن جو لوگ علاقائی زبان سے واقف نہیں ان کو بھی اس بات کی کوشش کرنی چاہئے کہ وہ جس علاقے میں رہتے ہیں وہاں کی زبان کو سیکھنے کی کوشش کریں ۔ انہوں نے کہا کہ اقلیتوں کےلئے کنڑا سیکھنا بہت ضروری اور اہم ہے۔ انہوں نے کہا کہ کسی بھی زبان کا کسی مذہب سے تعلق نہیں ہے۔ بلکہ ےہ مذاہب سے بالاتر ہے۔ انہوں نے کہا کہ کرناٹک اردو اکیڈمی کی خود مختاری کو برقرار رکھتے ہوئے اس کے ذریعے اردو زبان و ادب کی ترویج یقینی بنانے کےلئے اس کو محکمہ¿ کنڑا اینڈ کلچر میں دوبارہ منتقل کر دیا جائے۔ انہوں نے کہا کہ جب تمام زبانوں کی اکیڈمیاں کنڑا اینڈ کلچر محکمے کے تحت ہیں تو پھر صرف اردو اکیڈمی کو کیوں الگ تھلگ رکھا گیا ہے۔ انہوں نے کہا کہ اس اکیڈمی کو محکمہ¿ کنڑا اینڈ کلچر سے الگ کرنے کا فیصلہ غلط تھا۔ موجودہ وزیر ضمیر احمد خان کو اس پر غور کرناچاہئے۔ محکمہ¿ کنڑا اینڈ کلچر کے تحت اگراردو اکیڈمی کے پروگراموں کو آگے بڑھایا جائے تو اس سے ان کو زیادہ مقبولیت ملے گی اور ان کی اہمیت بھی بڑھ جائے گی۔ انہوں نے کہا کہ جنگِ آزادی کے دوران ملک کے مسلمانوں نے صرف انگریزوں نہیں بلکہ انگریزی کی بھی مخالفت کی ۔ لیکن جب 1947ءمیں ملک آزاد ہوا اور انگریز ملک سے چلے گئے تو اس وقت مسلمانوں میں ےہ مایوسی بھی نہیں تھی کہ انہوں نے انگریزی نہیں سیکھی ۔ بلکہ انہوں نے علی گڑھ مسلم یونیورسٹی جیسا باوقار ادارہ اس ملک کو دیا ۔ انہوں نے کہا کہ اقلیتی طبقے کے کنڑا زبان سے دور رہنے کا فائدہ اٹھا کر فرقہ پرست طاقتوں کی طرف سے اقلیتی ا ور اکثریتی طبقوں کے درمیا ن نفرت کے بیج بونے کی کوشش کی جا رہی ہے ۔ انہوں نے کہا کہ اقلیتی طبقات سے وابستہ لوگوں کو کنڑاسکھانے کی مہم میں کنڑا ڈیولپمنٹ اتھارٹی کی طرف سے ہر ممکن مدد دی جائے گی۔انہوں نے بتایا کہ اتھارٹی کی جانب سے ریاست کے 2500مدارس میں کنڑا تعلیم کا نظم آنے والے دنوں میں کیا جائے گا۔ اس موقع پر ریاستی وزیر برائے ہاو¿زنگ، اقلیتی بہبود واوقاف ضمیر احمد خان نے کہا کہ آنے والے دنوں میں مساجد کے ائمہ او ر خطیب حضرات کےلئے بھی کنڑا تعلیم کا انتظام کیا جائے گا۔ اس پروگرام میں وزیر اعلیٰ کے سیاسی سکریٹری نصیر احمد، اقلیتی کمیشن کے چیرمین یو نثار احمد، اقلیتی ترقیاتی کارپویشن کے چیرمین بی کے الطاف خان اور دیگر موجود تھے۔