مسلم نوجوان کے قتل کے بعدراﺅڈی شےٹرسوہاس کاقتل ہواہے
بی جے پی کے لےڈرغےرذمہ دارانہ بےان دےنے سے گرےزکرےں:دنےش گنڈوراﺅ
بنگلور۔2مئی (سالارنےوز) جنوبی کنڑ ضلع کے انچارج و وزیر صحت دنیش گنڈو راو¿نے کہا ہے ہندوورکر،راﺅڈی شےٹرسوہاس شیٹی کا بہیمانہ قتل ہوا ہے،بی جے پی سوہاس شیٹی کی آخری رسومات میں شرکت کے لیے آزاد ہیں۔ دنیش گنڈو راو¿ نے کہا کہ منگلورو میں نفرت انگیز قتل کے پیچھے کون ہے اس کی تحقیقات کی جائے گی اور سخت کارروائی کی جائے گی۔ بروزجمعہ بنگلورو مےں وزےراعلیٰ سے ملاقات کے بعد میڈیا کو جواب دیتے ہوئے دنےش گنڈوراﺅ نے کہاکہ سوہاس شیٹی کا بے دردی سے قتل کیا گیا، نہوںنے اسے ایک المناک واقعہ قرار دیا۔ منگلورو میں ہونے والے نفرت انگیز قتل قابل مذمت ہیں۔ دنیش گنڈو راو¿ نے رائے دی کہ اس طرح کی ہلاکتوں پر قابو پانے کے لیے تمام تنظیموں اور جماعتوں کو تعاون کرنے کی ضرورت ہے۔سوہاس شیٹی کا یہ قتل اشرف نامی شخص کے ہجومی قتل کے بعدہواہے۔ سوہاس بھی ایک غنڈہ تھا، لیکن اس طرح کا قتل نہیں ہونا چاہیے۔ ہمارے لےے تمام ایک جیسے ہیں، ذات یا مذہب کوئی بھی ہو۔ ایسے قتل دوبارہ نہیں ہونے چاہئیں۔دنیش گنڈو راو¿ نے کہاکہ حکومت نے اس معاملے کو سنجیدگی سے لیا ہے اور قتل کے پیچھے جو بھی ہے اس کی تحقیقات اور سزا کے لیے کارروائی کرے گی۔ منگلور میں خوف کا شدید ماحول ہے۔ انہوں نے کہا کہ انہوں نے ضلعی انتظامیہ کو بھی صورتحال سے نمٹنے کی ہدایت کی ہے۔ سوہاس کی آخری رسومات آج ادا کی جائیں گی۔ کسی بھی ناخوشگوار واقعے کو روکنے کے لیے اقدامات کرنے کی ہدایات دی گئی ہیں۔ بی جے پی لیڈر آخری رسومات میں شرکت کے لیے آزاد ہیں۔ دنیش گنڈوراو¿ نے افسوس کا اظہار کرتے ہوئے کہاکہ بی جے پی لیڈروں میں سے کسی کو بھی غےرذمہ دارانہ روےہ اختےارنہےں کرناچاہئے۔ ٹکراﺅاور تصادم کی اجازت نہیں دی جاسکتی۔ حکومت ہر طرح کے اقدامات کرے گی۔ آج بہت سے بی جے پی رہنما دکشن کنڑاضلع کا دورہ کر رہے ہیں، اور جب وہ وہاں کچھ بےان دےتے ہیں تو انہیں ذمہ داری کے ساتھ بولنا چاہئے۔ انہیں کسی کو خوش کرنے کے لئے نہیں بولنا چاہئے۔ جب ہم بولتے ہیں تو بولنے سے پہلے ہمیں اس کے نتائج کے بارے میں سوچناہوگا۔