بھووی ڈےولپمنٹ کارپورےشن مےں کرپرشن کے الزامات
صدرکے عہدہ سے اےس روی کمارنے دےااستعفیٰ
بنگلورو۔5ستمبر(سالارنےوز) ایس روی کمار نے کرناٹک بھووی ڈیولپمنٹ کارپوریشن کے صدر کے عہدے سے استعفیٰ دے دیا ہے۔ بتایا جاتا ہے کہ انہوں نے وزےراعلیٰ سدارامیا سے ملاقات کی اور اپنا استعفیٰ پیش کیا۔ بھووی سماج کے قومی صدر وینکٹیش نے پریس کانفرنس کی اور کارپوریشن میں کمیشن کے الزامات کی بات کی ۔ یہ بھی کہا گیا کہ کارپوریشن کے منصوبوں میں بد عنوانی ہوئی ہے۔ اس کو سیاسی مسئلہ بنانے والے بی جے پی لیڈروں نے حکومت کوتنقےدکانشانہ بناےاتھا۔ ان تمام معاملات کو دیکھتے ہوئے خبریں گردش کر رہی تھیں کہ سدارامیا نے انہیں استعفیٰ دینے کی ہدایت دی ہے۔ اس کے بعد کارپوریشن کے صدر روی کمار نے وزےراعلیٰ سے ملاقات کی اور اپنا استعفیٰ پیش کیا۔استعفیٰ نامہ میں انہوں نے کہا ہے کہ مےں 15 مارچ 2024 سے بھووی کارپوریشن کے صدر کے طور پر کام کر رہا ہوں۔ میرے دور میں کارپوریشن میں کوئی سکینڈل نہیں ہوا۔ یہ خوش آئند بات ہے کہ تحقیقاتی ادارے پچھلی حکومت کے دوران ہونے والے کرپشن کے معاملوں کی تحقیقات کر رہے ہیں۔ یہ کارپوریشن میں چل رہی بدعنوانی، غلط لین دین اور بے ضابطگی کو بے نقاب کرنے کا نتیجہ ہے، اور یہ میرے خلاف سازش ہے کیونکہ میں شفافیت لے کر آیا ہوں۔ یہ میری ساکھ کو داغدار کرنے کا ایک حربہ ہے۔ میں نے درخواست کی ہے کہ اس معاملے کی جامع تحقیقات کرائی جائیں۔