بی جے پی کو متبادل حکومت بنانے میں کوئی دلچسپی نہیں: وجیندرا
بنگلورو، یکم دسمبر (سالار نیوز)کرناٹک بی جے پی کے صدر بی وائی وجیندرا نے ریاست میں وزیر اعلیٰ کے عہدے کےلئے کانگریس میں جاری رسہ کشی سے فائدہ اٹھاتے ہوئے بی جے پی کی طرف سے حکومت کی تشکیل کے متعلق قیاس آرائیوں کو مسترد کر دیا ہے اور کہا ہے کہ بی جے پی اپوزیشن میں رہ کر حکومت کی کوتاہےوں کے خلاف لڑائی جاری رکھے گی۔ پےر کے رو ز اخباری نمائندو ںسے بات کرتے ہوئے انہوں نے کہا کہ کرناٹک کے عوام نے کانگریس کو اقتدار دیا ہے اور بی جے پی کو اپوزیشن میں بیٹھنے کا فرمان سنایا ہے بی جے پی اس کی پابند رہے گی۔ انہوں نے کہا کہ کانگریس کے اندر وزیر اعلیٰ کے عہدے کو لے کر جو رسہ کشی چل رہی ہے وہ اس پارٹی کا اندرونی معاملہ ہے بی جے پی کو اس سے کوئی دلچسپی نہیں البتہ اس سے ریاست کا انتظامےہ متاثر ہو رہا ہے اس کے خلاف بی جے پی احتجاج ضرور کرے گی۔انہوں نے کہا کہ کانگریس میں وزیر اعلیٰ بننے کےلئے صرف ڈی کے شیو کمار نہیں بلکہ سات آٹھ دعویدار اٹھ کھڑے ہوگئے ہیں ا ن سب سرگرمیوں کا ریاست کے انتظامےہ پر اثر پڑے گا اور عوام میں حکومت کی شبیہ از خود داغدار ہو گی اور اس کا راست فائدہ بی جے پی کو ہو گا۔ انہوں نے کہا کہ ریاستی حکومت نے مرکزی حکومت کی کسان سمان اسکےم اور سابق وزیر اعلیٰ بسوراج بومئی کی حکومت میں شروع کی گئی ودیا سری اسکیم کو منسوخ کر دیا ہے۔ اس کے علاوہ کسان اگرمشکل میں ہیں تو ان کی مدد کرنے کےلئے حکومت کے پاس کوئی نظام موجود نہیں۔ انہوں نے کہا کہ ریاست کا انتظامےہ پوری طرح مفلوج ہوچکا ہے۔