قیادت کی تبدیلی ےا کابینہ میں ردوبدل، ہائی کمان کا فیصلہ حتمی :پرمےشور
گنے کے کاشتکاروں کا احتجاج، صورتحال مزید خراب ہوئی تو محکمہ پولیس نپٹنے کےلئے پوری طرح مستعد
بنگلورو۔4نومبر(سالار نےوز) وزےر داخلہ ڈاکٹر جی پرمےشور نے بتاےا کہ وزےر برائے شوگر شیوانند پاٹل سے گنے کے کاشتکاروں کے مسائل کو حل کرنے کےلئے فوری کارروائی کرنے کا مشورہ دیا گیا ہے۔وزیر داخلہ نے خدشہ ظاہر کیا ہے کہ اگر صورتحال مزید خراب ہوتی ہے تو محکمہ پولیس کو ایک چیلنجنگ صورتحال کا سامنا کرنا پڑ سکتا ہے۔اخباری نمائندوں سے بات کرتے ہوئے انہوں نے کہا کہ وہ کل وزیر شیوانند پاٹل کے ساتھ بھی بات چیت کی تھی اور انہیں جلد از جلد مسئلہ حل کرنے کا مشورہ دیا تھا، گنے کی قیمت پر کنٹرول یا قیمت کے تعین کے حوالے سے جلد فیصلہ کیا جائے۔ انہوں نے کہا کہ اگر کسانوں کا احتجاج جاری رہا تو محکمہ پولیس کےلئے اس پر قابو پانا مشکل ہو جائے گا۔وزیر شیوانند پاٹل نے شکر فیکٹریوں کے بارے میں وزرا ءستیش جارکی ہولی اور لکشمی ہےبلکر کے ساتھ بات چیت کرنے اور مسئلہ حل کرنے کا وعدہ کیا ہے۔ انہوںنے بتاےا کہ گزشتہ دنوں گنے کے کاشتکار نے زہر پی کر خودکشی کرنے کی کوشش کی تھی ، پولیس نے فوری مداخلت کرتے ہوئے اسے بچایا۔ انہوں نے کہا کہ ایسے واقعات مستقبل میں ایک چیلنجنگ صورتحال پیدا کریں گے۔پرمےشور نے کہا کہ بی جے پی ایسی صورتحال کا انتظار کر رہی ہے، اس لئے ان کا سیاست کرنا فطری امر ہے۔ انہوں نے کہا کہ بی جے پی کوان حالات کو یاد رکھنا چاہئے تھا جب وہ اقتدار میں تھے۔وزےر داخلہ نے بتاےا کہ وتورپولےس تھانے کی حدود مےں ایک خاتون افسر کی گھریلو ملازمہ پر حملہ کرنے کا معاملہ سامنے آیا ہے،انہوںنے پولیس کمشنر کو درست رپورٹ پیش کرنے کی ہدایت کی ہے۔ رپورٹ آنے کے بعد قصوروار پولیس افسران کے خلاف کارروائی کی جائے گی۔ پرمےشور نے کہا کہ ریاست میں قیادت کی تبدیلی، کابینہ میں ردوبدل سمیت کسی بھی ترقی میں ہائی کمان کا فیصلہ حتمی ہوتا ہے ،ہم ہائی کمان کے فیصلوں پر عمل کرتے ہیں۔ انہوں نے کہا کہ ان کی خلاف ورزی کرنے والوں کے خلاف کارروائی کی مثالیں موجود ہیں۔بی جے پی کانگریس ہائی کمان کے کلچر پر تنقید کر رہی تھی۔ مزید کہا کہ سابق وزیر کے این راجنا کے مکان مےں وزیر اعلیٰ کا کھانے پر پہنچناکوئی خاص بات نہیں ہے، جب بھی وزےر اعلیٰ ٹمکور آتے ہیں تو راجنا کے گھر رات کا کھانا شروع سے ہی یہ روایت رہی ہے۔ انہوں نے کہا کہ انہےں نہیں معلوم کہ ہائی کمان لیڈروں سے ملنے دہلی کون جاتا ہے وہ دہلی نہیں جائےں گے ۔وزےر داخلہ نے بتاےا کہ مطالبات کی بنیاد پر تمام محکموں میں بڑے پیمانے پر تبادلے ہو رہے ہیں، صرف محکمہ پولیس میں تبادلوں کےلئے کوئی وقت کی حد نہیں ہے جب بھی ضروری ہو منتقلی کی جاتی ہے، سال کے 365 دن افسران کی تبدیلی معمول کی بات ہے۔ انہوں نے کہا کہ افسران کے تبادلے کو وزراءکی تبدیلی کا پیش خیمہ نہیں سمجھا جا سکتا۔انہوںنے بتاےا کہ وزیر اعلیٰ کا کہنا ہے کہ وہ کابینہ میں ردوبدل کریں گے، اس لئے اس معاملے پر بیان دینا درست نہیں۔ انہوں نے کہا کہ انہیں نئے لوگوں کو موقع دینے کے بارے میں کوئی اطلاع نہیں ہے۔ اس سوال کے جواب میں کہ کیا قیادت میں تبدیلی کی صورت میں پرمیشورکو موقع ملے گا۔ انہوں نے میڈیا کو ہدایت دی کہ وہ وزےر اعلیٰ اور وزیر سے متعلق سوالات کے علاوہ دیگر سوالات پوچھیں۔ انہوں نے آر ایس ایس پر وزیر پرینک کھرگے کے بیان پر تبصرہ کرنے سے انکار کردیا۔