India

کولکاتہ ڈاکٹر آبروریزی اور قتل کیس: جونیئر ڈاکٹر کے ساتھ اس رات کون تھا؟ موبائل ٹاور کی لوکیشن دیکھ کر افسروں کے اڑے ہوش!

Salar urdu publication5 months ago5 months ago5351 mins

کچھ نئی معلومات سامنے آئی ہیں، جس نے سی بی آئی افسران کو بھی چونکا دیا ہے۔ سب سے بڑا سوال یہ ہے کہ واقعہ کی رات جونیئر ڈاکٹر کے ساتھ کون تھا؟ کیونکہ موبائل ٹاور کی لوکیشن میچ نہیں کر رہی ہے۔

کولکاتہ : کولکاتہ ڈاکٹر ریپ قتل کیس کی تفتیش جیسے جیسے آگے بڑھ رہی ہے، گتھی مزید الجھتی جارہی ہے۔ پولیس مرکزی ملزم سنجے رائے کو گرفتار کرچکی ہے۔ آر جی کر اسپتال کے سابق پرنسپل سندیپ گھوش سے 15 دن تک پوچھ گچھ کی گئی ہے۔ دونوں کے بیانات کا موازنہ کیا جا رہا ہے۔ ایسے میں کچھ نئی معلومات سامنے آئی ہیں، جس نے سی بی آئی افسران کو بھی چونکا دیا ہے۔ سب سے بڑا سوال یہ ہے کہ واقعہ کی رات جونیئر ڈاکٹر کے ساتھ کون تھا؟ کیونکہ موبائل ٹاور کی لوکیشن میچ نہیں کر رہی ہے۔ ثبوت تلاش کرنے کے لیے اتوار کو سی بی آئی اچانک دو بار آرجی کر کالج اور اسپتال پہنچی۔ کونے کونے میں کچھ تلاش کرنے کی کوشش کی۔

تحقیقات سے وابستہ ذرائع کے مطابق 8 اگست کی رات سے 9 اگست کی شام تک اسپتال کے چیسٹ ڈیپارٹمنٹ میں آنے والے تمام افراد کے موبائل کی کال ڈیٹیل اور ٹاور لوکیشن کی جانچ کی جا رہی ہے۔ خصوصی ٹیکنالوجی کے ذریعے موبائل فون کے ذریعے اس رات ڈیوٹی پر موجود جونیئر- سینئر ڈاکٹروں، سیکورٹی اہلکاروں اور نرسوں کی لوکیشن ٹریس کرنے کی کوشش کی جا رہی ہے۔ سی بی آئی ہر شخص کی سرگرمیوں پر گہری نظر رکھے ہوئے ہے، تاکہ معاملے کی تہہ تک پہنچا جا سکے۔

سی بی آئی ذرائع کے مطابق تحقیقاتی ٹیم کے چار فارنسک ماہرین نے اب تک 125 سے زیادہ موبائل نمبروں کی جانچ کی ہے۔ ان کے ٹاور لوکیشن کو بھی کھنگالا ہے ۔ ان سے سراغ تلاش کرنے کی کوشش کی ہے۔ سب سے پہلے اس رات اسپتال میں موجود عملے کے موبائل فون چیک کیے جا رہے ہیں۔ اس وقت ڈیوٹی پر موجود جونیئر-سینئر ڈاکٹروں، نرسوں اور سیکورٹی گارڈز سے پوچھ گچھ کی جا رہی ہے۔ ان کے بیانات کے بعد ان کے فون کی لوکیشن ٹریس کی جا رہی ہے۔