بنگلور۔23مارچ(سالارنےوز)رےاستی وزیر برائے صحت وبہبودی خاندان دنیش گنڈو راو¿ نے کہا ہے کہ ریاستی حکومت اپریل کے پہلے ہفتے میں گھر گھر جا کر صحت کی جانچ کا پروگرام شروع کرے گی۔ آج بیلگاوی ضلع کے ساﺅدتی تعلقہ مےں میگا ہیلتھ میلے کا افتتاح کرتے ہوئے وزیر صحت دنیش گنڈو راو¿ نے کہا کہ مفت ہیلتھ چیک اپ میلے غریب ترین لوگوں تک صحت کی خدمات پہنچانے میں کامیاب رہے ہیں۔ دیہی علاقوں کے لوگوں کو فائدہ پہنچانے کے لیے تعلقہ میں بڑے پیمانے پر صحت میلے منعقد کیے جا رہے ہیں۔ کولیگال اور مانوی کے بعد ساﺅدتی میں بھی صحت میلہ کامیاب رہا ہے۔انہوںنے مزےدکہاکہ یہ اسکیم اپریل کے پہلے ہفتہ میں تمام اضلاع میں نافذ کی جائے گی۔کولار ضلع میں گھرگھر صحت اسکیم پہلے ہی شروع کی جا چکی ہے اور اسے اچھا ردعمل ملا ہے۔ ہوم ہیلتھ اسکیم اپریل کے پہلے ہفتہ میں بیلگاوی سمیت ریاست کے تمام اضلاع میں نافذ کی جائے گی۔ لوگوں کو اس اسکیم کا فائدہ ملنا چاہئے۔ صحت کارکنان لوگوں کی دہلیز پر جائیں گے اور بلڈ پریشر ، ذیابیطس اور کینسر سمیت ذہنی بیماریوں کی جانچ کریں گے۔ وزیر صحت دنیش گنڈو راو¿ نے کہا کہ ہوم ہیلتھ اسکیم سے دیہی علاقوں میں لوگوں کی صحت کی دیکھ بھال میں بڑی تبدیلی آنے کی امید ہے۔ انہوںنے کہا کہ ساﺅدتی تعلقہ اسپتال کی نئی عمارت کی تعمیر 46 کروڑ روپئے کی لاگت سے کی جائے گی۔ بیلگاوی ضلع میں رام درگا اور کٹور تعلقہ اسپتالوں کے لیے نئی عمارتیں تعمیر کی جائیں گی۔ وزیر صحت نے اعلان کیا کہ گوکاک میں ایک علیحدہ ضلعی ہسپتال قائم کیا جائے گا۔انہوںنے مزےدکہاکہ رےاستی حکومت گےارنٹی اسکےموں کوفراہم کرنے کے ساتھ ساتھ کئی ترقےاتی پروگرام شروع کررکھی ہے۔خصوصی طورپرصحت کے شعبہ مےں ا س باروزےراعلیٰ سدارامےانے سرکاری اسپتالوں مےں بنےادی ڈھانچہ فراہم کرنے کے معاملہ مےں بہت فنڈمختص کےاہواہے۔اتھنی کے لےے 50بےڈس کی گنجائش والے ماں بچہ اسپتال فراہم کےاہے۔ صحت خدمات مےں بہت ساراسدھارلانے حکومت مسلسل کوشش کررہی ہے۔کانگرےس حکومت غرےب عوام کے لئے پوری اےمانداری سے کام کررہی ہے۔ انہوںنے قرےوں کے عوام سے اپےل کرتے ہوئے کہاکہ گاﺅں قرےوں کے لوگوں کوکسی بھی صورت مےں طبےعت کے سلسلہ مےں لاپروائی سے بچےں۔