ہماری فوج پرفخرہے مگراتنی کارروائی کافی نہےں ہے:ہری پرساد
بنگلور۔6مئی (سالارنےوز)پاکستان کے خلاف آپریشن سندھور کرنے پر ہر کسی کو بھارتی فوج پر فخر ہے۔لےکن اتنی کارروائی کافی نہیں ہے۔ کانگریس رکن قانون ساز کونسل بی کے ہری پرساد نے مطالبہ کیا ہے کہ دشمنوں کو منہ توڑ جواب دیا جائے۔ بروزچہارشنبہ بنگلورو میں مےڈےا سے بات کرتے ہوئے انہوں نے کہا کہ دنیا جانتی ہے کہ جب ملک مشکل میں تھا تو فوج نے جنگ لڑی۔ فوجی افسران کو اختیارات دینے کے بعد وہ پاکستان کے کئی حصوں میں اسٹرائک کر چکے ہیں۔ ہم سب کو ملک کے ساتھ متحد ہونا ہوگا۔ پاکستان کو مناسب جواب دینا چاہیے۔ انہوں نے کہا کہ یہ کافی نہیں ہے۔ اگر پلوامہ واقعہ کے بعد مناسب کارروائی کی جاتی تو پہلگام واقعہ رونما نہ ہوتا۔ اس لیے اس وقت درست اقدام اٹھانے کی ضرورت ہے۔ انہوں نے مطالبہ کیا کہ اس بات کو یقینی بنانے کے لیے کارروائی کی جائے کہ مستقبل میں کوئی بھارت پر حملہ کرنے کی جرا¿ت نہ کرے۔ ہم نے دنیا کو دکھا دیا ہے کہ قومی اتحاد کے لیے اپوزیشن کیسا ہونا چاہیے۔ ماضی میں اندرا گاندھی، راجیو گاندھی اور مہاتما گاندھی نے ملک کے لیے قربانیاں دی ہیں۔ انہوں نے کہا کہ بی جے پی کو اپوزیشن سے سبق سیکھنا چاہئے۔ وزیر اعظم نریندر مودی کی قیادت والی حکومت کو دشمن کو منہ توڑ جواب دینے کے لیے مناسب کارروائی کرنی چاہیے۔ انہوں نے مودی پر زور دیا کہ وہ بہار، کیرلا اور بمبئی کے گرد گھومنا بند کریں اور کارروائی کرنے کا صحیح فیصلہ کریں۔ آپریشن سندھور کے تناظر میں امن منتر پر کانگریس کے ٹویٹ کے بارے میں بات کرتے ہوئے انہوںنے کہاکہ ہندوستان اپنے امن منتر کے لیے دنیا بھر میں جانا جاتا ہے۔ امن ہر ایک کی خواہش ہے۔ لیکن انہیں یاد رہے کہ جب دشمن آبےل مجھے مارکہتے ہوئے آوازدے تواس کاجواب دےناچاہئے ،جےسے اندرا گاندھی نے کیا تھا ۔ پہلگام حملے میں 25 ہندوستانی اور ایک نیپالی شہری ہلاک ہوئے تھے۔ بھارتی فوج نے اب آپریشن سندھور کے ذریعے اس حملے کا جواب دیا ہے۔ پاکستان میں دہشت گردوں کے ٹھکانوں پر فضائی حملے کیے گئے ہیں۔