کے ایس سی اے عہدیداروں کوہائی کورٹ سے راحت
بنگلورو۔6 جون(سالار نیوز)کرناٹک ہائی کورٹ نے جمعہ کو ایک عبوری حکم میں، ریاستی پولیس کو ہدایت دی کہ وہ کے ایس سی اے کے عہدیداروں کے خلاف یہاں کے چناسوامی اسٹیڈیم کے باہر بھگدڑ کے سلسلے میں اگلے احکامات تک کوئی زبردستی کارروائی نہ کرے جس میں 11 لوگوں کی جانیں گئیں۔کرناٹک اسٹیٹ کرکٹ ایسوسی ایشن (کے ایس سی اے) کے صدر رگھورام بھٹ، سکریٹری اے شنکر، اور خزانچی ای ایس جئےرام نے اپنے خلاف درج ایف آئی آر کو منسوخ کرنے کے لیے عدالت سے رجوع کیا۔کیس کی سماعت کرنے والے جسٹس ایس آر کرشنا کمار نے کے ایس سی اے حکام کو عبوری راحت دی۔سماعت 16 جون تک ملتوی کر دی گئی۔درخواست گزاروں کی طرف سے سینئر ایڈوکیٹ اشوک ہرانا ہلی اور شیام سندر پیش ہوئے جبکہ ایڈوکیٹ جنرل ششی کرن شیٹی نے ریاست کی نمائندگی کی۔عدالت جو رائل چیلنجرز بنگلورو کے مارکیٹنگ ہیڈ نکھل سوسالے کی دائر کردہ ایک علیحدہ درخواست کی بھی سماعت کر رہی تھی نے اس کیس کی سماعت 9 جون تک ملتوی کر دی۔
