سابق امریکی صدرڈونلڈٹرمپ پرایک ریلی کےدوران حملہ، حملہ آورکوفوری طورپرکیاگیا ہلاک

سابق امریکی صدرڈونلڈٹرمپ پرایک ریلی کےدوران حملہ، حملہ آورکوفوری طورپرکیاگیا ہلاک

ڈونلڈ ٹرمپ پر سنیچر کے روز ایک ریلی کے دوران حملہ کیا گیا۔ بتایا گیا ہے کہ ایک شوٹر نے ٹرمپ پر بہت اونچی جگہ سے فائرنگ کی۔ اس واقعے کی جو ویڈیو منظر عام پر آئی ہے اس میں ٹرمپ کے کان سے خون نکلتا ہوا دیکھا جا سکتا ہے۔

سابق امریکی صدر اور آئندہ انتخابات میں ریپبلکن پارٹی کے صدارتی امیدوار ڈونلڈ ٹرمپ پر سنیچر کے روز ایک ریلی کے دوران حملہ کیا گیا۔ بتایا گیا ہے کہ ایک شوٹر نے ٹرمپ پر بہت اونچی جگہ سے فائرنگ کی۔ اس واقعے کی جو ویڈیو منظر عام پر آئی ہے اس میں ٹرمپ کے کان سے خون نکلتا ہوا دیکھا جا سکتا ہے۔ اس واقعے کے بعد ٹرمپ خطرے سے باہر ہیں۔ انہوں نے خود اپنے سوشل میڈیا پلیٹ فارم ٹروتھ سوشل پر ایک بیان جاری کرتے ہوئے اپنی شوٹنگ کے بارے میں تفصیلات شیئر کی ہے۔

گولی لگنے کے بعد ٹرمپ نے کیا کہا؟

ٹرمپ نے کہا کہ انہیں پنسلوانیا میں ایک ریلی کے دوران نشانہ بنایا گیا اور گولی ان کے دائیں کان کے اوپری حصے سے گزری۔ 78 سالہ ٹرمپ نے جان بچانے پر امریکی خفیہ ادارے کا شکریہ ادا کیا۔ انہوں نے کہا، “میں ریاستہائے متحدہ امریکہ کی خفیہ سروس اور تمام قانون نافذ کرنے والے اداروں کا شکریہ ادا کرنا چاہوں گا جنہوں نے بٹلر، پنسلوانیا میں ہونے والے واقعے پر فوری ردعمل ظاہر کیا”۔

قابل ذکر ہے کہ پنسلوانیا کے بٹلر میں ایک انتخابی ریلی کے دوران ٹرمپ پر فائرنگ کی گئی تھی۔ حملے کے بعد ٹرمپ کے دائیں کان سے خون بھی نکلتا دیکھا گیا۔ تاہم سیکرٹ سروس کے سیکیورٹی اہلکاروں نے ٹرمپ کو چاروں اطراف سے گھیر لیا اور گولیوں کی بوچھاڑ کے درمیان انہیں بحفاظت پنڈال سے باہر لے گئے۔

ٹرمپ نے ٹروتھ سوشل پر کہا، “سب سے اہم بات۔ میں ریلی میں فائرنگ کا نشانہ بننے والے شخص اور شدید زخمی ہونے والے شخص کے اہل خانہ سے تعزیت کا اظہار کرتا ہوں۔ یہ بڑی بات ہے کہ ایسے واقعات امریکہ میں ہو رہے ہیں۔ ٹرمپ نے کہا کہ حملہ آور کے بارے میں ابھی تک کوئی معلومات سامنے نہیں آئی ہیں۔ٹرمپ کا مزید کہنا تھا کہ ‘میں سمجھ گیا کہ کچھ گڑبڑ ہے، میرے کانوں میں کھنکھناہٹ کی آواز آئی اور میں نے گولیوں کی آواز بھی سنی، مجھے فوراً لگا کہ گولی میری جلد کو چھو کر نکل گئی ہے۔ میرا بھی بہت خون بہہ گیا، پھر میں احساس ہوا کہ کیا ہو رہا ہے۔”

امریکی سیکرٹ سروس کے ترجمان انتھونی گگلیلمی کے مطابق واقعہ مقامی وقت کے مطابق شام 6 بج کر 15 منٹ پر پیش آیا، جب ایک مشتبہ شوٹر نے ٹرمپ پر اونچائی سے فائرنگ کی۔