بنگلور۔13فروری(سالارنےوز)رےاستی نائب وزےراعلیٰ ڈی کے شےوکمارنے کہاکہ ہماری حکومت نے بی ایم آر سی ایل کو اپنی رائے سے آگاہ کیا ہے کہ میٹرو کے کرایوں کو کم کیا جانا چاہیے اور حتمی فیصلہ مرکزی کمیٹی کرے گی۔ بروزجمعرا ت ودھان سودھا میں میڈیا کے سوالات کا جواب دیتے ہوئے شیو کمار نے کہا کہ مےٹروکے کراےہ بڑھنے سے ہمارا کوئی تعلق نہیں ہے۔ ریاستی حکومت نے اس مقصد کے لیے ایک کمیٹی تشکیل دی ہے۔ عوام کی درخواست سننے کے بعد وزیر اعلیٰ نے میٹرو کا کرایہ کم کرنے پر اپنی رائے دی۔ فیصلہ عوام اور میٹرو کے مفاد میں کےا جائے۔ اس مقصد کے لیے ایک علاحدہ کمیٹی تشکیل دی گئی ہے۔ انہوں نے کہا کہ ہم کمیٹی کو اپنی رائے دیں گے اور حتمی فیصلہ ان کے ذریعے کےا جائے گا۔ اس معاملہ پر بات کرتے ہوئے رےاستی وزےرصنعت ایم بی پاٹل نے کہا کہ میٹرو میں ہماری شراکت داری ہے۔ اگر پبلک ٹرانسپورٹ کی قیمت میں اضافہ کیا جاتا ہے تو یہ کار اور میٹرو کے ذریعے سفر کرنے کی قیمت کے برابر ہوگی۔ میٹرو کے کرایوں میں کمی سے عام آدمی کو فائدہ ہوگا۔ بنگلورو پر دباو¿ کو کم کرنے کے لیے مضافاتی ریلوے اور فری ےرل رنگ روڈ بناناضروری ہوگےاہے۔ بنگلور میٹرو ریل کارپوریشن لمیٹڈ (بی ایم آر سی ایل) کی طرف سے کرایوں میں حالیہ ترمیم کئی بے ضابطگیوں کی وجہ سے ہوئی ہے ، جس میں کچھ جگہوں پر کرایوں کو دوگنا کرنا بھی شامل ہے۔ عوام کی مخالفت کو مدنظر رکھتے ہوئے وزیر اعلیٰ سدارامیا نے بی ایم آر سی ایل کے منیجنگ ڈائرکٹر سے کہا ہے کہ وہ ان جگہوں پر کرایہ کم کریں جہاں غیر معمولی اضافہ ہوا ہے۔