بنگلوروبنگلورو۔27 مارچ (سالار نیوز) غیر معیاری پیرا میڈیکل کالجوں کے خلاف فیصلہ کن اقدام کرتے ہوئے، کرناٹک کے وزیر برائے طبی تعلیم اور ہنرمندی ڈاکٹر شرن پرکاش پاٹل نے حکام کو ہدایت دی ہے کہ وہ ان کالجو ںکے الحاق کو واپس لیں اور بنیادی ڈھانچے اور تدریسی معیارات پر پورا نہ اترنے والے اداروں کو بند کر دیں۔جمعرات کو وکاس سودھا میں ریاستی پیرا میڈیکل بورڈ کی جائزہ میٹنگ کے دوران، عہدیداروں نے کئی نجی کالجوں میں تشویشناک کمیوں کی اطلاع دی۔ ان میںکافی سہولیات کے ساتھ تنگ جگہوں پر کام کرنے والے کالج شامل تھے۔ایک ادارے کے پاس سےنکڑوں طلباکےلئے صرف ایک مائکروسکوپ تھی، جب کہ دوسرا مناسب روشنی کے بغیر کام کرتا تھا۔ڈاکٹر پاٹل نے اس بات پر زور دیا کہ بہت سے نجی ادارے منظوری حاصل کرنے کے دوران گمراہ کن طور پر خوبصورت منظر پیش کرتے ہیں لیکن بھاری فیسیں وصول کرنے کے باوجود ایک بار اجازت ملنے پر معیاری تعلیم فراہم کرنے میں ناکام رہتے ہیں۔ ریاست کے 566 پیرا میڈیکل کالجوں میں سے 529 پرائیویٹ طور پر چل رہے ہیں، جو 2024-25 تعلیمی سال میں 22,256 طلبا کو داخلہ دے رہے ہیں۔ پرائیویٹ کالج تین سالہ کورسکےلئے 20,000 روپے سالانہ وصول کرتے ہیں، جبکہ سرکاری اداروں اس کورس کےلئے 8,500 روپے فیس لی جاتی ہے۔معائنے سے معلوم ہوا کہ دس سے زائد کالجوں نے پیرا میڈیکل بورڈ کی منظوری کے بغیر طلبا کو غیر قانونی طور پر دوسرے اداروں میں منتقل کیا۔