کانگریس رہنماو¿ں نے کئی وقف املاک پر غیر قانونی قبضہ کر رکھا ہے
اسی لئے وہ وقف ترمیمی قانون کی مخالفت کر رہے ہیں: بسوراج بومئی
نئی دہلی۔2 اپرےل (سالار نیوز)سابق وزیر اعلیٰ اور بی جے پی ایم پی بسواراج بومئی نے الزام لگایا کہ کانگریس پارٹی نے وقف املاک پر قبضہ کیا ہے اور اس کو چھپانے کے لئے ترمیمی بل کی مخالفت کر رہی ہے۔ نئی دہلی میں میڈیا سے بات کرتے ہوئے انہوں نے کہا کہ وقف بل 1950 کی دہائی میں پیش کیا گیا تھا اور 1990، 2013 میں اس میں ترمیم کی گئی تھی اور موجودہ ترمیم کوئی نئی پیشرفت نہیں ہے۔2013 سے پہلے، سابق مرکزی وزیر کے رحمن خان کی قیادت میں ایک کمیٹی نے کئی سفارشات پیش کی تھیں، انہوں نے کہا اور کہا کہ اس وقت کی یو پی اے حکومت نے ان سفارشات میں سے صرف چند کو لاگو کیا جبکہ دیگر کو چھوڑ دیا۔ انہوں نے کہا کہ ملک کا قانونی ڈھانچہ وسیع ہے، اور آئین سب سے اعلی ہے۔ تاہم، 1990 اور 2013 میں کی گئی ترامیم نے وقف کو دیگر تمام قوانین سے بالاتر رکھا، حتی کہ سپریم کورٹ کی مداخلت کو بھی روک دیا۔ موجودہ ترمیم کا مقصد اس صورتحال کو ٹھیک کرنا ہے۔ بومئی نے نشاندہی کی کہ وقف املاک کے بارے میں متعدد قانونی تنازعات ہیں۔بومئی نے کہا، مسلمانوں کی ملکیتی جائیدادیں وقف کے حوالہ کر دی گئی ہیں، اور کرناٹک میں کئی وقف املاک کانگریس لیڈروں کے کنٹرول میں آچکی ہیں۔انہوں نے اس بات پر زور دیا کہ دیگر تمام کمیونٹیز کے لئے ریونیو ایکٹ کو اعلی تصور کیا جاتا ہے، لیکن اس کا اطلاق وقف املاک پر نہیں ہوا ہے۔انہوں نے کہا کہ ریونیو ایکٹ سب کےلئےپریم قانون ہونا چاہئے۔بومئی نے دعویٰ کیا کہ مشترکہ پارلیمانی کمیٹی نے بڑے پیمانہ پر بات چیت کی ہے اور ملک بھر میں عوام کی رائے طلب کی ہے۔انہوں نے نشاندہی کی کہ مسلمانوں، عیسائیوں اور اجمیر درگاہ انتظامیہ سمیت کئی کمیونٹیز نے مجوزہ ترامیم کا خیر مقدم کیا ہے۔بومئی نے وعدہ کیا کہ غیر متنازعہ وقف املاک وقف اثاثوں کے طور پر برقرار رہیں گی، اور ملک کے قانونی فریم ورک کے مطابق ترمیم کی گئی ہے۔مسلم بورڈ میں ہندوں کو شامل کرنے پر کانگریس کے اعتراض کے بارے میں، بومئی نے یہ کہہ کر جواب دیا کہ ساحلی علاقے میں، مزری محکمہ کے تحت متعدد مندروں کے انچارج مسلم منتظمین تھے۔