مودی نے تمل ناڈو میں پامبن پل کا افتتاح کیا
رامیشورم۔6 اپریل (یو این آئی) وزیر اعظم نریندر مودی نے اتوار کورامیشورم جزیرے اور تمل ناڈو کی سرزمین کو جوڑنے والے نئے تعمیر شدہ پامبن پل کا افتتاح کیا۔ مودی نے رامیشورم اور تامبرم کے درمیان ایک نئی ٹرین سروس کو بھی جھنڈی دکھائی اور مختلف نئے پروجیکٹوں کا آغاز کیا۔ اس کے علاوہ جب مودی نے کوسٹ گارڈ کے جہاز کو جھنڈی دکھا کر روانہ کیا تو پل کا ورٹیکل لفٹ اسپین اوپر اٹھ گیا ۔ اس تاریخی لمحے میں وزیر اعظم نے پامبن سے ہی پل کے ورٹیکل لفٹ میکانزم کو ریموٹ سے چلایا اور نئے پل اور رامیشورم – تامبرم ایکسپریس کے خصوصی افتتاح اور کوسٹ گارڈ کے جہاز کو جھنڈی دکھا کر نئے پل کے ورٹیکل لفٹ اسپین کا افتتاح کیا، جو ملک میں اپنی نوعیت کا پہلا ہے ۔ رامیشورم کو سرزمین سے جوڑنے والا پامبن پل نہ صرف نقل و حمل کو فروغ دے گا بلکہ عالمی سطح پر ہندوستانی انجینئرنگ کے کمال کو بھی ظاہر کرے گا۔ یہ بیک وقت ایک اہم ٹرانسپورٹ لنک اور ثقافتی علامت دونوں کے طور پر کام کرے گا۔ رامائن کے مطابق بھگوان رام نے رامیشورم کے نزدیک دھنشکوڈی سے سری لنکا تک ایک پل کی تعمیر شروع کی تھی۔ پرانا پامبن پل ایک زمانے میں پامبن جزیرے کی یاترا کرنے والے تیرتھ یاتریوں کے لیے ایک اہم لنک کے طور پر کام کرتا تھا۔ اب جدید ٹیکنالوجی کے ساتھ نیا پامبن پل زیادہ سہولت اور بھرپور روحانی تجربہ فراہم کرے گا۔ پانچ سو پچاس کروڑ روپے سے زیادہ کی لاگت سے بنایا گیا، یہ ہندوستان کا پہلا ورٹیکل سی لفٹ برج ہے ۔ دو اعشاریہ دو کلومیٹر پر محیط اس پل میں 99 اسپین اور 72.5 میٹر لمبا ورٹیکل لفٹ اسپین ہے ، جسے 17 میٹر تک اٹھایا جا سکتا ہے ، جس سے بڑے جہازوں کے ہموار گزرنے کو یقینی بنایا جا سکتا ہے ، جبکہ ٹرینوں کے بلاتعطل آپریشن کو یقینی بنایا جا سکتا ہے ۔ اس پل میں سٹینلیس سٹیل کی کمک، اعلیٰ درجے کا پینٹ اور مکمل طور پر ویلڈیڈ جوائنٹس ہیں، جو دیکھ بھال کی ضروریات کو کم کرتے ہوئے پائیداری کو بڑھاتے ہیں۔ اس کی فا¶نڈیشن کو 333 پایل اور 101 پائرز/پائل کیپس سے سپورٹ حاصل ہے ، جو کہ دوہری ریل پٹریوں اور مستقبل میں توسیع کے لیے ڈیزائن کیا گیا ہے ۔ پولی سلوکسین پینٹ کا استعمال اسے نرنگ سے بچاتا ہے ، سخت سمندری ماحول میں لمبی عمر کو یقینی بناتا ہے ۔ یہ پل روایت اور ٹیکنالوجی کا ایک شاندار امتزاج ہے ۔ نئے پامبن پل کے افتتاح کے ایک حصے کے طور پر وزیر اعظم نے رامیشورم-تامبرم ایکسپریس کو بھی جھنڈی دکھا کر روانہ کیا، جو چنئی کے مقدس شہر رامیشورم اور تامبرم کے درمیان ریل رابطے کو بڑھا دے گی۔نئے پامبن پل کے علاوہ وزیر اعظم نے تمل ناڈو میں کئی تبدیلی والے سڑکوں کے منصوبوں کا بھی افتتاح اور سنگ بنیاد رکھا، جس میں قومی شاہراہ (این ایچ)40-کے والاجہ پیٹ/رانیپیٹ-تمل ناڈو/آندھرا پردیش کے سرحدی حصے کو 04 لین کرنے کا سنگ بنیاد رکھنا اور سڑکوں کے پروجیکٹوں کو قوم کے نام وقف کرنا شامل ہے ۔
رام سیتو کا فضائی نظارہ کیا
وزیر اعظم نریندر مودی نے اتوار کو سری لنکا سے واپس آتے ہوئے رام سیتو کا فضائی نظارہ کیا اور اسے اتفاق قرار دیا، کیونکہ آج بھگوان رام کا جنم دن رام نومی منایا جا رہا ہے ۔ مودی نے کہا کہ بھگوان رام سب کو متحد کرنے والی طاقت ہیں۔ مودی نے سری لنکا سے واپسی کے دوران تمل ناڈو کے منڈپم میں اترنے سے پہلے بحریہ کے ہیلی کاپٹر سے رام سیتو کے درشن کئے ۔رامائن کے مطابق رام سیتو کی تعمیر رامیشورم کے نزدیک دھنشکوڈی سے شروع ہوئی تھی، جہاں سے بھگوان رام اپنی بیوی سیتا کو راون سے بچانے سری لنکا گئے تھے ۔ایڈم برج، جسے رام کا پل یا رام سیتو بھی کہا جاتا ہے ، ہندستان کے تمل ناڈو کے جنوب مشرقی ساحل پر واقع پامبن جزیرہ جسے رامیشورم جزیرہ بھی کہا جاتا ہے اور سری لنکا کے شمال مغربی ساحل پر واقع منار جزیرہ کے درمیان قدرتی چونے کے پتھروں کی ایک زنجیر ہے ۔
In the great scheme of things you receive an A for hard work. Where exactly you actually misplaced me was on your facts. As they say, details make or break the argument.. And it could not be more true at this point. Having said that, allow me reveal to you what exactly did do the job. Your article (parts of it) is actually rather engaging and that is possibly the reason why I am making the effort to opine. I do not really make it a regular habit of doing that. Secondly, whilst I can easily see the jumps in reason you come up with, I am definitely not confident of how you seem to unite the ideas which inturn make the conclusion. For the moment I will yield to your point however hope in the future you actually connect your dots better.