پرائےوےٹ سےکٹرمےں کنڑےگاس کے لےے رےزروےشن کانفاذ
ا وقات کار10گھنٹے کرنے کی تجوےزکابےنہ مےں پےش ہوگی:سنتوش لاڈ
بنگلور۔24جون(سالارنےوز)پرائیویٹ سیکٹر میں کنڑیگاس کے لیے ریزرویشن کا نفاذ اوردن مےں 10 گھنٹے کام کے اصول کامعاملہ پھر سے منظر عام پر آ گیا ہے۔ حکومت نے اس پر ماہرین اور عوام سے رائے طلب کی ہے۔ وزیر برائے اجرت سنتوش لاڈ نے کہا کہ آنے والے دنوں میں کابینہ میں اس کی تجویز پیش کی جائے گی۔ پرائیویٹ سیکٹر میں کنڑیگاس کے لیے ریزرویشن کے معاملہ پر رائے جمع کرنے کا عمل اگلے ایک ماہ میں مکمل ہو جائے گا اور اس تجویز کو کابینہ کے سامنے پیش کیا جائے گا۔ سنتوش لاڈ نے کہاکہ اس کے ساتھ ہی پرائیویٹ سیکٹر میں کنڑیگاﺅں کے لیے ریزرویشن کا مسئلہ پھر سے کھل کر سامنے آیا ہے۔ کرناٹک اسٹیٹ ایمپلائمنٹ بل 2024 کو متعارف کرانے کی تیاریاں بھی جاری ہیں، جس میں صنعتوں، کارخانوں اور دیگر اداروں میں مقامی امیدواروں کو ترجیح دی جائے گی۔ لیکن قومی سطح پر حامی اور مخالف جذبات کی وجہ سے بل آخری مرحلہ پر رک گیا۔ بنگلورو میں اس کا جواب دیتے ہوئے سنتوش لاڈ نے اس بات کا اعادہ کیاکہ کنڑےگاﺅں کو پرائیویٹ کمپنیوں میں نوکریوں میں ریزرویشن فراہم کرنے کے معاملہ پر ہر طرف سے رائے لینے کے بعد وزےر اعلیٰ کے ساتھ بات چیت کی جائے گی اور تب ہی اسے کابینہ کے سامنے پیش کیا جائے گا۔ہائی کورٹ کی طرف سے دی گئی آخری تاریخ کے مطابق کوئی مخصوص تاریخ طے نہیں کی جا سکتی۔ ہم نے ہر طرح کی کوششیں کی ہیں اور بات چیت کرکے حتمی فیصلہ کریں گے۔انہوں نے کہا بنگلورو جیسے شہر میں مجھے یہ درست نہیں لگتا کہ ٹرافک جام میں دن میں 2تا3 گھنٹے گزارنے والے ملازمین کو دوبارہ 10 گھنٹے کام کرنا پڑے گا۔ لیکن فیصلہ سب کی رائے لینے کے بعد ہی کیا جائے گا۔ انہوں نے کہاکہ مرکزی حکومت کی تجویز کام کے اوقات کو 9 سے بڑھا کر 10 گھنٹے کرنے کی ہے۔ مجوزہ ترمیم سے زیادہ سے زیادہ ہفتہ وار اوقات کار میں کوئی تبدیلی نہیں آئے گی۔ یہ 48 گھنٹے ہی رہے گی۔ موجودہ قانون کے تحت، کام کے اوقات 9 گھنٹے ہیں۔ انہوں نے کہا کہ 10 گھنٹے میں ایک گھنٹہ لنچ بریک کے لےے ہے ۔نئی تجویز کے مطابق روزانہ کام کے اوقات کو بڑھا کر 10 گھنٹے کرنے کی تجویز ہے۔ 10 گھنٹے کے کام کے دورانیے میں ایک گھنٹے کا لنچ بریک بھی شامل ہے۔ سب کی آراءاکٹھی کرنے کے بعد اس تجویز کو کابینہ کے اجلاس میں تب ہی پیش کیا جائے گا جب یہ محسوس ہو کہ اس میں اضافہ کرنا اچھا ہے۔
