کباب ،گوبی منچوری کے بعداب مصنوعی رنگ والی جلےبی کاٹسٹ
فوڈ سیفٹی اینڈ ڈرگ ایڈمنسٹریشن نے رنگےن جلےبی اورشربت کے نمونے کی جانچ شروع کردی
بنگلور۔5مئی (سالارنےوز)فوڈ سیفٹی اینڈ ڈرگ ایڈمنسٹریشن نے ریاست بھر میں فروخت ہونے والی جلیبیوں اور شربتوں میں مصنوعی رنگوں کے استعمال کی شکایات کے بعد نمونے کی جانچ شروع کر دی ہے۔ سوشل میڈیا پر گردش کرنے والی بہت سی خبروں کے بعد کہ ریاست کے کئی حصوں میں جلیبی اور شربت میں مصنوعی رنگ کا استعمال کیے جانے والے معاملہ کی تحقےقات شروع ہوگئی ہےں۔ فوڈ سیفٹی اینڈ ڈرگ ایڈمنسٹریشن کے کمشنر نے ہر ضلع کے ڈپٹی کمشنر کو ہدایت دی ہے کہ وہ جلیبی کے پانچ نمونے اور شربت کے پانچ نمونے جمع کریں اور تین دن کے اندر ان کا تجزیہ کرکے رپورٹ پیش کریں۔ متعلقہ ضلعی مجسٹریٹس کو ہدایت کی گئی ہے کہ وہ اپنے اپنے ڈویزن میں سرکاری فوڈ لیبارٹریوں کو نمونے بھیجیں۔ رپورٹ موصول ہوتے ہی مرکزی دفتر بھجوانے کی ہدایات دی گئی ہیں۔ محکمہ خوراک پہلے ہی بڑی تعداد میں کھانے پینے کے نمونے جمع کر کے ان کا تجزیہ کر چکا ہے اور غیر معیاری اشیاءپر پابندی لگا دی گئی ہے۔ فروخت کرنے والوں کے خلاف بھی کارروائی کی گئی ہے۔ محکمہ صحت نے چکن وبےف کباب میں مصنوعی رنگوں پر پابندی لگا دی ہے۔ کرناٹک کے محکمہ صحت نے گوبی منچورین اور کبابوں میں مصنوعی رنگوں کے استعمال پر پابندی لگا دی تھی۔ یہ اصول چکن، مچھلی، مٹن اور وےج کباب پر بھی لاگو ہوتا ہے۔ کبابوں میں استعمال ہونے والے سرخ اور سبز فوڈ کلر پر اب پابندی لگا دی گئی ہے۔ محکمہ صحت نے کہا تھا کہ مصنوعی رنگ صحت کے لئے نقصان دہ ہیں۔ ضابطے کی خلاف ورزی پر 7 سال قید اور 10 لاکھ روپے جرمانہ عائد کرنے کاانتباہ دےاتھا۔ ریاست میں فروخت ہونے والے کبابوں میں مصنوعی رنگ استعمال کیے جا رہے ہیں۔ اس سے صحت عامہ پر برا اثر پڑے گا۔ اس لئے محکمہ صحت نے اعلان کیا تھا کہ کبابوں کی تیاری میں مصنوعی رنگوں کا استعمال ممنوع ہے۔کبابوں کی کوالٹی پر ایک ٹسٹ کیا گیا۔ مصنوعی رنگوں کے استعمال کی وجہ سے کباب ناقص ہوتاہے اور اس سے لوگوں کی صحت کو نقصان پہنچے گا۔ اس لئے ریاست بھر میں فروخت ہونے والے کبابوں کے نمونے اکٹھے کر کے ٹسٹ کیے گئے۔ ریاستی لیبارٹریوں میں کباب کے 39 نمونوں کی جانچ کی گئی۔ ان میں سے 8 کباب کے نمونوں میں خطرناک کیمیائی رنگ پائے گئے۔ محکمہ صحت نے کہا کہ رپورٹ سے معلوم ہوا کہ وہ محفوظ نہیں ہیں۔