کمل ہاسن کنڑاکی تارےخ نہےں جانتے:سدارامےا
بنگلور۔28مئی (سالارنےوز)رےاستی وزےراعلیٰ سدارامےانے تمل اداکارکمل ہاسن کے تبصرہ پرردعمل ظاہرکرتے ہوئے کہاکہ کنڑا زبان کی ایک طویل تاریخ ہے۔ لیکن اداکار کمل ہاسن کنڑا کی تاریخ نہیں جانتے ہیں۔ بروزچہارشنبہ بنگلورو میں خطاب کرتے ہوئے انہوں نے کمل ہاسن کے اس بیان کی مخالفت کی کہ کنڑا کی پیدائش تمل سے ہوئی ہے۔ اداکار کمل ہاسن نے اپنی فلم ”ٹھگز لائف“ کی تشہیر کے دوران کنڑیگاس کو ناراض کرنے والا بیان دیا۔ فلم ٹھگز لائف کے حالیہ آڈیو لانچ کے موقع پر انہوں نے کنڑا اداکار شیوراج کمار کی موجودگی مےں کہاتھاکہ کنڑازبان تمل زبان سے پےداہوئی ہے ۔اس تقرےب مےں شےوراج کماربھی تھے اس لئے کنڑےگاس نے ان کوبھی تنقےدکانشانہ بناےا۔ کمل ہاسن نے کہاتھاکہ تمل میرا خاندان اور میری زندگی ہے۔ کرناٹک میں ڈاکٹر راج کا خاندان بھی میرا خاندان ہے۔ اسی لیے شیوراج کمار ہمارے پروگرام میں آئے ہیں۔ ایک لحاظ سے، تمل ہمہ گیر زبان ہے۔ یہی وجہ ہے کہ کنڑ کی پیدائش تمل سے ہوئی ہے۔ لہٰذا کنڑیگاس بھی تمل خاندان کا حصہ ہیں۔ اس سے کنڑیگاﺅں میں شدید غم و غصہ پھیل گیا ہے۔ اسی مسئلہ پر بات کرتے ہوئے ایم بی پاٹل نے جواب دیاکہ کمل ہاسن نے کنڑ پر اپنی تحقیق کہاں کی؟ ہمیں یہ جاننے کی ضرورت ہے کہ کنڑ کی پیدائش کیسے ہوئی؟ چالوکیہ، ہویسلا اور بسوادی شرن کے دور میں کس قسم کی تحریک ہوئی؟ کمل ہاسن کو ضرور کوئی غلط فہمی ہوئی ہوگی۔ وہ بہت ذہین ہیں، لیکن وہ اس قسم کابےان کےسے دے گئے اس پرتعجب ہے۔