شہر کے صفائی کارکنوں کو یکم مئی سے مستقل ملازمت
وزیر اعلیٰ سدارامیا اور نائب وزیر اعلیٰ ڈی کے شیو کمار کا اعلان
بنگلورو۔7 اپریل(سالار نیوز)وزیر اعلیٰ سدارامیا نے بنگلورو کے صفائی کارکنوں کو ےہ خوشخبری دی ہے کہ امسال ےکم مئی کو یوم مزدور کے موقع پر ان کی ملازمت کو مستقل کر دیا جائے گا۔ شہر کے پیالس گراو¿نڈ میں صفائی کارکنوں کی ریاستی کنونشن سے خطاب کرتے ہوئے انہوں نے کہا کہ صفائی کارکنوں کی طرف سے شہر بنگلورو کو صاف ستھرا رکھنے کےلئے جو محنت کی جا رہی ہے وہ یقیناقابل ستائش ہے۔ انہوں نے کہا کہ ان کے مسائل کو سلجھانا اور ان کی مانگو ںکو پورا کرنے حکومت کی ذمہ داری ہے۔ انہوں نے کہا کہ حکومت کی نظر میں ریاست کے چیف سکریٹری ہوں یا ایک معمولی صفائی کارکن ان کو انصاف دینے کے معاملہ میں کسی بھی طرح کا امتیاز نہیں برتا جائے گا۔ ہر ایک کا کام اپنی جگہ محترم اور مقدم ہے کسی کے ساتھ اونچ نیچ نہیں ہونی چاہئے۔ انہوں نے کہا کہ صفائی کارکنوں کے ساتھ ساتھ ان کی گاڑیاں چلانے والے ڈرائیوروں کی ملازمت بھی مستقل کر دی جائے گی۔ انہوں نے کہا کہ حکومت چاہتی ہے کہ صفائی کارکنوں کے بچوں کو اچھی تعلیم ملے آنے والے دنو ںمیں وہ بھی ملک کے اچھے شہری بن کر ذمہ دار عہدوں پر کام کریں ۔ ہر کسی کو موقع مل سکتا ہے اس کےلئے محنت درکار ہے۔ اگر موقع مل جائے تو ہر ایک کی صلاحیت کھل کر باہر آ سکتی ہے۔ انہوں نے کہا کہ صفائی کارکنوں کوحکومت کی طرف سے بلا نقد علا ج کروانے کا کارڈ دیا جائے گا۔اس پروگرام میں نائب وزیر اعلیٰ ڈی کے شیو کمار نے خطاب کرتے ہوئے کہا کہ امسال بی بی ایم پی کے بجٹ میں صفائی کارکنوں کی تنخواہوں کےلئے 500کروڑروپے کی رقم مختص کی گئی ہے اس کے علاوہ ان کے پنشن کےلئے 107کروڑر وپے کی رقم دی گئی ہے۔ انہوں نے کہا کہ جن کارکنوں کی موت ہو جائے گی ان کے ورثاءکو 10لاکھ روپے کی رقم ادا کی جائے گی اور وظےفہ یابی کے بعد ہر کارکن کو ماہانہ چھ ہزار روپے کی پنشن دی جائے گی۔ان تمام کےلئے مجموعی طور پر 730کروڑ روپے مختص کئے گئے ہیں۔صفائی کارکنوں کومستقل ملازمت دینے وزیر اعلیٰ کے اعلان کی تعریف کرتے ہوئے شیو کمار نے کہا کہ وہ چاہتے تھے کہ آج ہی ان تمام کو تقرر نامے دے دئےے جائیں۔ لیکن کچھ تکنیکی مسائل کے سبب ےہ تاریخ ےکم مئی طے کی گئی ہے۔