سونے کی اسمگلنگ کا معاملہ: اداکارہ رانیا راو¿ ایک سال تک حراست میں رہیں گی، ضمانت کا حق بھی نہیں ہوگا
بنگلورو:17جولائی(سالارنیوز)کنڑا فلموں کی اداکارہ رانیا راو¿ کو سونے کی اسمگلنگ معاملہ میں ایک سالکےلئے حراست میں رکھنے کا حکم جاری کیا گیا ہے۔ یہ اقدام تحفظِ زرمبادلہ اور انسدادِ اسمگلنگ (سی او ایف ای پی او ایس اے) قانون کے تحت کیا گیا، جس کی منظوری مرکزی حکومت کے مشاورتی بورڈ نے بھی دے دی ہے۔ اس فیصلہ کے بعد رانیا را آئندہ ایک سال تک ضمانت کے لیے درخواست دینے کی اہل نہیں ہوں گی۔قانونی اعتبار سے واضح رہے کہ یہ سزا نہیں بلکہ احتیاطی حراست ہے، جو کسی ممکنہ جرم کو روکنے کے لیے نافذ کی جاتی ہے۔ اس کا مقصد یہ ہے کہ ملزم مستقبل میں دوبارہ ایسی غیر قانونی سرگرمی میں ملوث نہ ہو۔ عدالت میں جرم ثابت ہونے کی صورت میں الگ سے سزا دی جا سکتی ہے لیکن اس وقت تک رانیا را محض ایک انتظامی اقدام کے تحت حراست میں ہیں۔اداکارہ کو رواں برس 3مارچ کو بنگلورو کے کیمپے گوڑا انٹرنیشنل ایئرپورٹ پر اس وقت گرفتار کیا گیا جب وہ دبئی سے ایمیریٹس کی پرواز کے ذریعہ واپس ہوئی تھیں۔ ڈائریکٹوریٹ آف ریونیو انٹیلی جنس (ڈی آر آئی) کے اہلکاروں نے ان کے قبضہ سے تقریباً 14.8 کلو گرام سونا برآمد کیا، جو زیادہ تر جسم پر زیورات کی شکل میں پہنا گیا تھا یا لباس میں چھپایا گیا تھا۔ڈی آر آئی کے مطابق، رانیا راو¿ مسلسل بین الاقوامی سفر کرتی رہی تھیں اور اسی بنیاد پر ان پر نظر رکھی جا رہی تھی۔ گرفتاری کے بعد یہ انکشاف بھی سامنے آیا کہ وہ خود کو ایک سینئر آئی پی ایس افسر کی سوتیلی بیٹی ظاہر کر کے ایئرپورٹ پر خصوصی رعایت لینے کی کوشش کیا کرتی تھیں۔ بعد ازاں، انفورسمنٹ ڈائریکٹوریٹ (ای ڈی) نے بھی ان کے خلاف کارروائی کی۔ ”پریوینشن آف منی لانڈرنگ ایکٹ(پی ایم ایل اے)“کے تحت درج ای سی آئی آر کے تحت ای ڈی نے 4جولائی کو رانیا را کی کئی جائیدادیں ضبط کر لیں۔ ان میں بنگلورو کے وکٹوریا لے آٹ میں ایک بنگلہ، ارکاوتی لے آٹ میں ایک رہائشی پلاٹ، تمکور میں ایک صنعتی زمین اور انکل تالک میں زرعی اراضی شامل ہے۔ مجموعی طور پر ان کی مالیت 34.12کروڑ روپے بتائی گئی ہے۔