موڈا معاملہ میں عدالت کا فیصلہ انصا ف کی جیت: سدارامیا
بنگلورو۔21 جولائی(سالار نیوز)میسور اربن ڈیولپمنٹ اتھارٹی (موڈا ) کے سائٹوں کی تقسیم کے معاملہ میں پےر کے روز سپریم کور ٹ کے فیصلہ کا وزیراعلیٰ سدارامیا نے خیرمقدم کیا اور کہا کہ موڈا معاملہ میں ان کی بیوی پاروتی کو طلب کر کے ان سے پوچھ گچھ کرنے کےلئے ای ڈی کی طرف سے جو سمن جاری کیا گیااس پر کرناٹک ہائی کور ٹ کی طرف سے لگائی گئی روک کو برقرار رکھتے ہوئے عدالت عظمیٰ نے جو فیصلہ سنایا ہے وہ مرکزی حکومت پر ایک زور دار تھپڑ کے مترادف ہے۔ انہوں نے کہا کہ اس معاملہ میں چیف جسٹس بی آر گوائی اور جسٹس کے وی ونود چندرا پر مشتمل بینچ نے جو فیصلہ صادر کیا ہے اس کا وہ خیرمقدم کرتے ہیں۔انہوں نے کہا کہ اپنے طویل سیاسی سفر کے دوران انہوں نے ہمےشہ قانون اور اصولوں کی پاسداری کی ہے۔ انہوں نے کہا کہ بی جے پی اور اس کے اتحادی ان کی مقاملہ سیاسی طور پر کرنے میں بار ہا ناکام ہو گئے ہیں اس لئے انہوں نے ان کو کمزور کرنے کے مقصد سے آئینی ایجنسیوں کا غلط استعمال کیا تاکہ سی بی آئی اور ای ڈی کی مدد سے ان کے اور ان کی بیوی کے خلاف ایک فرضی کیس تیار کیا جا سکے ۔ انہوں نے کہا کہ سیاسی بدنیتی کے تحت ان کو اور ان کے اہل خانہ کو ہراساں کرنے کی جو کوشش کی گئی وہ قابل مذمت ہے۔ انہوں نے کہا کہ اس معاملہ میں ان کو اور ان کے خاندان کو جس ذہنی اذیت سے گزرنا پڑا وہ اسے کبھی بھلا نہیں سکیں گے ۔ انہوں نے کہا کہ چیف جسٹس آف انڈیا جسٹس بی آر گوائی نے اس معاملہ میں جو تبصرہ کیا ہے کہ سیاسی لڑائی ووٹروں کے درمیان ہونی چاہئے ۔اس کےلئے آئینی ایجنسیوں کا غلط نہیں کیا جانا چاہئے ۔ ےہ موجودہ حالات کے تناظر میں حقائق کا عکاس ہے۔ان کے الفاظ آج ہر باضمیر ہندوستانی کے دل کی آواز ہیں ۔ انہوں نے کہا کہ عدالت کے اس فیصلہ سے نہ صرف ان کو راحت ملی ہے بلکہ عدلےہ پر ان کے اعتماد کو اور پختہ کر دیا ہے۔ اس کے ساتھ ہی گزشتہ 10۔11برسوں سے جو لوگ ای ڈی کی غیر ضروریی ہراسانیوں سے پریشان ہیں ےہ ان کےلئے بھی راحت بخش ہے۔وزیر اعلیٰ نے کہا کہ عدالت کے اس فیصلہ کے بعد اب وزیر اعظم مودی اور وزیر داخلہ امیت شاہ کو اپنی آنکھیں کھولنی چاہئے اور آئینی اداروں کے غلط استعمال کا سلسلہ ختم کرنا چاہئے۔عدالت عظمیٰ کے فیصلہ نے آئین، عدالےہ اور انصاف پر ان کے یقین کو اور زیادہ پختہ کر دیا ہے۔ انہوں نے کہا کہ موڈا معاملہ میں انصاف لا بول بالا ہوا ہے۔ ای ڈی کی طرف سے اس معاملہ میں غیر ضروری مداخلت پر عدالت نے رو ک لگائی ہے۔

بی جے پی دور حکومت میں مجھے دوگنے فنڈ کا لالچ دیا گیاتھا