صرف کنیگل نہیں،ٹمکورکے تمام تعلقہ جات میرےلئے اہم ہیں
ضلع کے تمام تعلقوں کو پانی فراہم کرنے کےلئے اقدامات کریں گے: شیوکمار
بنگلورو، 5 جولائی : یہ بتاتے ہوئے کہ ٹمکوروضلع تمام تعلقہ ان کے لیے یکساں اہمیت کے حامل ہیں، نائب وزیر اعلیٰ ڈی کے شیوکمار نے آج کہا کہضلع کے تمام تعلقوں کو پانی فراہم کرنےکےلئے ایک اسکیم تیار کی جائے گی۔اپنی سداشیو نگر رہائش گاہ پر صحافیوں سے بات کرتے ہوئے، انہوں نے کہا کہ ہم نے ہیماوتی لنک کینال پر ضلع کے نمائندوں سے رائے لی ہے۔ کچھ لوگ اس بات پر احتجاج کر رہے ہیں کہ ہیماوتی لنک کینال کو پائپ لائن نہیں ہونا چاہئے، لیکن یہ حکومت کا فیصلہ ہے۔انہوں نے کہا کہ مرکزی وزیر سومنا نے انڈین انسٹی ٹیوٹ آف سائنس کے ماہرین سے معائنہ کرانے کی سفارش کی ہے اور ہم نے اس سفارش کو قبول کر لیا ہے۔ یہ صرف کنیگل کی بات نہیں ہے، بلکہ ہمیں پورےٹمکورو ضلع کو پانی فراہم کرنا ہے، ہمارے پاس اس کےلئے ایک منصوبہ ہے اور ہم پانی کی تقسیم اس طرح کریں گے کہ یہ سب کےلئے منصفانہ ہو۔ یہ ہمارا فرض ہے کہ ہم تمام تعلقہ جات کے مفاد کا خیال رکھیں۔یہ ہماری حکومت تھی جس نے اس پروجیکٹ کو شروع کیا تھا، لیکن بی جے پی نے اسے روک دیا تھا۔ انہوں نے مزید کہا کہ بی جے پی نے میرے حلقے کو دیا گیا میڈیکل کالج واپس لے لیا۔ ایڈی یورپا کے وعدے کے باوجود، میڈیکل کالج چکبالا پورہ چلا گیا۔