مرکزی وزیر آبی وسائل کے ساتھ بات چیت نتیجہ خیز شیوکمار
بنگلورو، 11 جولائی (سالارنےوز) نائب وزیر اعلی ڈی کے شیوکمار نے کہا کہ مرکزی وزیر جل شکتی کے ساتھ ریاست کے آبپاشی پروجیکٹوں پر بات چیت نتیجہ خیز رہی۔دہلی سے واپسی پر کیمپے گوڈا بین الاقوامی ہوائی اڈے پر صحافیوں سے بات کرتے ہوئے، انہوں نے کہا کہ مرکزی جل شکتی وزیر نے ہمیں یقین دلایا ہے کہ یتینا ہولے پینے کے پانی کے پروجیکٹ کےلئے فنڈز کی ہماری درخواست پر مثبت غور کیا جائے گا۔ یہ ایک نتیجہ خیز ملاقات تھی۔ انہوں نے اپنے دہلی کے دورے پر صحافیوں کے سوالات کا جواب دیتے ہوئے،کہا، کہ ہم نے مرکزی جل شکتی کے وزیر سی آر پاٹل کے ساتھ بہت سے پہلوں پر تبادلہ خیال کیا جس میں آلمٹی ڈیم کی اونچائی میں اضافے کےلئے اےگزٹ نوٹیفکیشن جاری کرنا اور میکے داٹو پروجیکٹ کی منظوری شامل ہے۔۔ شیو کمار نے کہا کہ ہم نے مرکزی وزیر برائے ماحولیات بھوپیندر یادو کے ساتھ کلسابنڈوری پروجیکٹ کےلئے ماحولیاتی منظوری پر بھی بات چیت کی ہے۔ انہوں نے دونوں ریاستوں کے درمیان ایک دوستانہ حل تجویز کیا ہے۔ انہوں نے واضح کیا کہ ہم نے عدالت سے رجوع کیا ہے کیونکہ گوا اس پروجیکٹ پر اعتراض نہیں کر سکتا،۔انہوں نے کہا کہ ہم نے نئے پروجیکٹس کےلئے بھی تجاویز پیش کی ہیں۔ میں مانسون سیشن کے دوران دہلی کا سفر کروں گا اور اپنے ممبران پارلیمنٹ سے بات کروں گا کہ ہم ان پہلوں پر حکومت پر کس طرح دبا ڈال سکتے ہیں۔ایتنا ہولے پروجیکٹ میں لکیناہلی ڈیم کی مخالفت کے بارے میں پوچھے جانے پر، انہوں نے کہاکہ تمام بنیادی ڈھانچے کے منصوبوں کی مخالفت ہوگی، لیکن پینے کے پانی کی فراہمی کی ضرورت ہے۔ ہم کورٹگیرے تعلقہ میں پانی کو ذخیرہ کرنے کےلئے کچھ دوسرے آپشنز کو استعمال کرنے کے بارے میں بھی سوچ رہے ہیں۔ ہم پرمیشور کے ساتھ اس پر بات کریں گے اور اسے کابینہ کی میٹنگ کے سامنے رکھیں گے۔