منڈیا ضلع کے اسمبلی حلقہ میرے لئے اتنے ہی اہم ہیں جتنے کنکا پورہ
کمار سوامی سے پوچھیں کہ کہاں ہیں اچھے دن اور 15 لاکھ روپے :: شیوکمار
مدور، 28 جولائی(سالار نیوز)نائب وزیر اعلیٰ ڈی کے شیوکمار نے آج کہا کہ منڈیا ضلع کے سبھی سات حلقے ان کےلئے اتنے ہی اہم ہیں جتنے کہ ان کا اپنا حلقہ کنکا پورہ۔مختلف ترقیاتی کاموں کے افتتاح اور سنگ بنیاد رکھنے کےلئے منعقد ایک تقریب سے خطاب کرتے ہوئے، انہوں نے کہا کہ منڈیا کے ساتوں اسمبلی حلقے میرے لئے کنکا پورہ کی طرح اہم ہیں۔ ہماری حکومت مدور کے ایم ایل اے ادے کے پیچھے کھڑی ہے۔ ہم نے آپ کا قرض چکانےکےلئے 1,146 روپے کے منصوبوں کا سنگ بنیاد رکھا ہے۔ہم یہاں محکمہ آبپاشی کا دفتر شروع کر رہے ہیں۔ ہم نے مددور ضلع میں نہروں کو ترقی دینے کےلئے 500 کروڑ روپے مختص کئے ہیں۔وزیر زراعت چلوریا سوامی زرعی یونیورسٹی کو منڈیا میں لانے پر کام کر رہے ہیں۔ ہم نے منڈیا کے سات اسمبلی حلقوں میں ترقیاتی کام شروع کیے ہیں۔ہم نےگیارنٹی اسکیموںکےلئے 52,000 کروڑ روپے اور کسانوں کے پمپ سیٹوں کو مفت بجلی کےلئے19,000 کروڑ روپے مختصکئے ہیں۔ سماجی بہبود اور دیگر محکموں کے لئے 25,000 کروڑ روپے خرچ کر رہے ہیں۔ شیو کمار نے عوام سے کہا کہ بی جے پی اور جے ڈی ایس سے پوچھیں کہ کیا وہ اس طرح کی کوئی اسکیم لے کر آئے تھے جب وہ اقتدار میں تھے۔انہوں نے کہا کہ مدور کے ایم ایل اے ادے بہت اچھا کام کر رہے ہیں۔ انہوں نے مدور میں کانگریس کے دفترکےلئے 2 کروڑ روپے کی جگہ دی ہے۔ بہت سے دوسرے لوگوں نے بھی تعلقہ میں کانگریس کے دفاترکےلئے جگہیں دی ہیں۔ میں اس اقدام کےلئے ادے کا شکریہ ادا کرتا ہوں۔ شیو کمار نے کہا کہجب مودی اقتدار میں آئے تھے، انہوں نے اچھے دن اور ہر کھاتے میں 15 لاکھ روپے دینے کا وعدہ کیا تھا۔ آپ سب کو کمار سوامی سے پوچھنا چاہئے کہ وہ 15 لاکھ روپے کہاں ہیں۔ جے ڈی ایس کارکنان کو پارٹی کے باقی رہنے میں اپنا وقت ضائع نہیں کرنا چاہئے۔ اب کانگریس پارٹی میں آنے کا وقت ہے۔ اپنے سیاسی کیریئر پر غور کریں۔
