دھرمستھلا معاملہ میں سوشیل میڈیا پوسٹوں پر حکومت کی گہری نظر : وزیر داخلہ
بنگلورو۔یکم اگست (سالار نیوز)وزیر داخلہ جی پرمیشورا نے جمعہ کو کہا کہ حکومت دھرمستھلا میں مبینہ اجتماعی تدفین سے متعلق پوسٹس کےلئے سوشل میڈیا پر نظر رکھے ہوئے ہے اور ان لوگوں کے خلاف کارروائی کا انتباہ دیا جو “معاشرے میں جذبات بھڑکا سکتے ہیں۔ریاستی حکومت نے گزشتہ دو دہائیوں کے دوران دھرمستھلا میں مبینہ اجتماعی قتل، عصمت دری اور اجتماعی تدفین کے دعوﺅں کی جانچ کے لیے ایک خصوصی تحقیقاتی ٹیم تشکیل دی ہے۔یہ دعوے ایک گمنام سابق صفائی کارکن نے کیے، جس نے دعویٰ کیا کہ اسے 1995 سے 2014 کے درمیان دھرمستھلا میں خواتین اور نابالغوں سمیت کئی لاشیں دفن کرنے پر مجبور کیا گیا تھا۔پرمیشور نے میڈیا کو بتایا کہ ہم اسے دیکھ رہے ہیں لوگ اگر کسی بھی طرح سے معاشرے میں جذبات بھڑکا رہے ہیں، تو ہم انہیں روکنے کی کوشش کریں گے۔ ہم نفرت انگیز تقاریر سے متعلق معاملات کے خلاف کارروائی کر رہے ہیں جیسا کہ آپ جانتے ہیں۔ ہم ایسی پوسٹنگ پر نظر رکھیں گے جو غلط طریقے سے معاشرے پر اثر ڈال سکتی ہیں۔انہوں نے جنوبی کنڑا ضلع میں فرقہ وارانہ پوسٹنگ کے خلاف ماضی کی کارروائیوں کا حوالہ دیا۔دریں اثنا، دھرمستھلا کیس کی تحقیقات کی قےادت کرنے والے ایس آئی ٹی کے سربراہ پرنب موہنتی نے جمعہ کو ریاستی وزیر داخلہ سے ان کی رہائش گاہ پر ملاقات کی۔میٹنگ سے متعلق ایک سوال کے جواب میں پرمیشور نے واضح کیا کہ یہ دھرمستھلا کیس کی تحقیقات سے متعلق نہیں ہے، کیونکہ اس پر بحث کرنا نامناسب ہوگا۔موہنتی کا نام مرکزی حکومت میں خدمات انجام دینے کےلئے ڈائرکٹر جنرل رینک کے افسران کی فہرست میں شامل ہے۔ لیکن انہیں فوری طور پر کوئی پوسٹنگ(مرکز میں)نہیں دی جائے گی۔ وہ مجھے اس کے بارے میں مطلع کرنے کےلئے آئے تھے۔ اس کے علاوہ، جیسا کہ حکومت جعلی خبروں، آن لائن جوئے کے بارے میں قوانین لا رہی ہے — موہنتی اندرونی سیکورٹی ڈویژن کے سربراہ ہونے کے ناطے، مجھے آج کی میٹنگ میں کچھ چیزوں کے بارے میں بتانے آئے تھے۔وزیر نے نوٹ کیا کہ موہنتی کو مرکزی حکومت کے عہدے کےلئے ان کے ریاستی فرائض سے فارغ کرنے کا فیصلہ کرناٹک حکومت پر منحصر ہے، جو مرکز کی طرف سے کسی بھی سرکاری درخواست کا جواب دے گی۔ابھی تک مرکز سے ایسی کوئی بات چیت نہیں آئی ہے۔ یہ صرف ایک فہرست ہے۔