بنگلورو۔7فروری(سالار نیوز)ریاست میں مائکرو فائنانس کمپنیوں کی طرف سے قرضہ وصولی کے نام پر لوگوں کو ہراساں کرنے کے واقعات پر روک لگانے کےلئے ریاستی حکومت کی کوششوںکو جمعہ کے روز اس وقت دھکا لگا جب اس سلسلہ میں سخت قانون لانے کےلئے تیار کئے گئے آرڈننس کو ریاستی گورنر تھاور چند گہلوٹ نے دستخط کئے بغیر لوٹا دیا ۔ گورنر نے اس آرڈننس پر دستخط سے انکار کی وجہ بتائی ہے اور کہا ہے کہ اس آرڈننس میں صرف قرضداروں کے مفادات کے تحفظ کی بات کی گئی ہے۔ قرضہ دے کر اپنی رقم ان لوگوں کے پاس پھنسانے والوں کے بارے میں حکومت نے آرڈننس میںکچھ نہیں کہا ہے انصاف کا تقاضہ ہے کہ دونوں کے ساتھ برابر کا سلوک کیا جائے۔ انہوں نے کہا ہے کہ مائکرو فائنانس کا بنیادی ضابطہ ےہی ہے کہ 3لاکھ روپئے سے زیادہ کا قرضہ نہیں دیا جا سکتا لیکن ریاستی حکومت نے اس آرڈننس میں 5لاکھ روپے تک جرمانے کی بات کی ہے۔ ےہ فائنانسروں پر زیادتی کے مترادف ہے۔ انہوں نے کہا کہ 10 سال سزائے قید کے ساتھ پانچ لاکھ روپئے کے جرمانے کی بات کہی گئی ہے۔ ان کو ےہ کافی زیادہ لگتا ہے۔ انہوں نے کہا کہ حکومت نے آرڈننس میں کہا ہے کہ قرضہ دیتے وقت قرضدار سے کوئی دستاویز نہ لی جائے۔ کیا کسی سرکاری ادارے میں دستاویز کے بغیر قرضہ دیا جاتا ہے۔ تو پھر مائکرو فائنانسر کیونکر بغیر دستاویز کے قرضہ فراہم کرے ۔ انہوں نے کہا کہ قرضہ وصول کرنے کےلئے ہراسانی کی صورت میں دس سال کی سزائے قید کا کوئی جواز نہیں ہے۔ گورنر نے کہا ہے کہ وہ فائنانسر کو دیانتداری سے قرضہ کا لین دین کر رہے ہیں اس آرڈننس سے ان لوگوں کی تجارت متاثر ہو گی۔ اس آرڈننس کی وجہ سے قرضداروں سے قرضہ وصول کرنا مشکل ہو جائے گا۔انہوں نے مشورہ دیا ہے کہ عنقریب ہونے والے ریاستی لیجس لےچر کے بجٹ اجلاس میں اس مجوزہ قانون کے تمام پہلو¿وں پر بحث کی جائے اور اس کے بعد ضرورت پڑے تو قانون لایا جائے۔انہوں نے کہا کہ قرضہ وصولی کے مرحلہ میں ہونے والے مظالم سے نپٹنے کےلئے موجودہ قانون میں ہی گنجائشن موجود ہے۔ لیکن پولیس اس پر ٹھےک طرح سے کارروائی نہیں کرپا رہی ہے۔ پولیس اگراپنا کام ٹھےک سے نہ کرے تو اس سے نپٹنے کےلئے نیا قانو ن لانے کا بھی کوئی فائدہ نہیں ہو گا۔ ان تمام وجودہات کی نشاندہی کرتے ہوئے گورنر نے آرڈننس کو دستخط کئے بغیر ہی حکومت کو لوٹا دیا ہے۔