منگلور مےںہوئے سوہاس شیٹی قتل معاملہ کی جانچ
این آئی اے کے حوالہ کرنا ناگزےر: وزےر داخلہ پرمےشور
بنگلورو10جون(سالار نےوز) وزیر داخلہ ڈاکٹر جی پرمیشور نے کہا ہے کہ منگلورو میں سوہاس شیٹی کے قتل کی تحقیقات این آئی اے کو سونپنا ناگزیر ہے۔ صحافیوں سے بات کرتے ہوئے انہوں نے کہا کہ مرکزی وزیر داخلہ کو ایسا کرنے کا اختیار ہے اسی بنیاد پر انہوں نے این آئی اے سے تحقیقات کروانے کی بات کہی ہے اس لئے اس معاملہ کو ہمارے حوالہ کرنا نا گزےر ہے،اس بارے میں کوئی واضح وضاحت نہیں کی گئی ہے کہ این آئی اے کو کیوں تحقیقات کرنی چاہئے لیکن انہوں نے کچھ سیکشنز کا ذکر کیا ہے اور تحقیقات کر وائے جانے کی بات کہی ہے ۔ وزےر داخلہ نے بتاےا کہ خط میں اس بات کا کوئی ذکر نہیں ہے کہ اس خط کے پیچھے بی جے پی کا ہاتھ ہے۔ ان کا کہنا تھا کہ وہ تحقیقات کےلئے انہےں دیئے گئے اختیارات کا استعمال کر رہے ہیںاس لئے ان کے پاس زیادہ معلومات نہیں ہیں۔ڈاکٹر پرمےشور نے بتاےا کہ ہائی کمان نے وزیر اعلیٰ اور نائب وزیر اعلیٰ کو دہلی طلب کیا ہے،انہےں پتا نہےں کہ وہاں کس قسم کی بحث ہوئی اور انہےں طلب نہےں کےا گےا ۔ انہوں نے کہا کہ اگر بلایا جائے تو وہ دہلی جائیں گے۔وزےر داخلہ نے بتاےا کہ چناسوامی اسٹیڈیم بھگدڑمعاملہ کی ہائی کورٹ میں سماعت ہوگی۔ ایڈووکیٹ جنرل حکومت کی جانب سے ہائی کورٹ کی جانب سے پوچھے گئے سوالات کے جوابات تیار کریں گے اور سرٹیفکیٹ جاری کریں گے۔ انہوں نے کہا کہ حقائق عدالت میں پیش کئے جائیں گے۔ انہوںنے بتاےا کہ اس معامہ کی تحقیقاتی رپورٹ اب تک حکومت کو موصول نہیں ہوئی۔ انہوں نے کہا کہ وہ اس مرحلہ پر کوئی تبصرہ نہیں کرنا چاہتے۔