بجٹ میں اقلیتوں کی ترقی کےلئے دی گئی رقم کامکمل استعمال کیا جائے
بجٹ کے زیادہ تر حصہ کی رقم تعلیم پر صرف ہونی چاہئے: ضمیر احمد خان
بنگلورو۔7 اپریل(سالار نیوز)ریاست میں اقلیتی طبقات کےلئے وزیر اعلیٰ سدارامیا کی طرف سے بجٹ میں جن فنڈس کا اعلان کیا گیا ہے ان کے بروقت استعمال اور اس کے ذریعہ زیادہ سے زیادہ مستحقین کو فائدہ پہنچے اس بات کو یقینی بنایا جائے۔ ےہ ہدایت پےر کے رو زریاستی وزیر برائے ہاﺅزنگ ، اقلیتی بہبود واوقاف ضمیر احمد خان نے دی۔ اقلیتی ڈائرکٹوریٹ میں محکمہ اقلیتی بہبود کی پیش رفت کا جائزہ لےنے کےلئے منعقدہ میٹنگ میں انہوں نے افسروں کو ہدایت دی کہ حکومت کی طرف سے بجٹ کی رقم جاری ہونے کے ساتھ ہی اس رقم کے استعمال کا سلسلہ شروع کر دیا جائے اور اس میں تاخیر کی کوئی شکایت کا موقع نہ دیں۔ انہوں نے کہا کہ جب سے وہ اس محکمہ کے وزیر بنے ہیں ان کی کوشش رہی ہے کہ بجٹ میں جتنی رقم ملے اس کا زیادہ سے زیادہ حصہ تعلیم پر صرف کیا جائے گزشتہ سال بجٹ میں فراہم کی گئی رقم 3150کروڑر وپے میں سے تقریبا2400کروڑ روپے کی رقم صرف تعلیم پر صرف کی گئی ہے۔ اقلیتی ڈائرکٹوریٹ کی طرف سے اس رقم کے استعمال سے اقلیتی اقامتی اسکولوںاور ہاسٹلوں کے انتظامات، مختلف اسکالر شپ اسکیموں کے ذریعہ پرائمری سے ڈگری اور اعلیٰ تعلیم کے ساتھ ساتھ بیرون ممالک میں تعلےم حاصل کرنے والوں کےلئے اسکالر شپ فراہم کی گئی ہے ۔ انہوں نے کہا کہ اسکالر شپ کےلئے جتنی درخواستیں موصول ہوئی ہیں ان تمام کو اسکالر شپ مہیا کروائی گئی ہے۔ انہوں نے کہا کہ جب سے مودی حکومت مرکز میں برسرا قتدار آئی ہے اس نے اقلیتی طلبہ کو اسکالر شپ کی فراہمی روک دی لیکن 2023کے انتخابات میں کانگریس پارٹی کے ریاست میں برسراقتدار آنے کے بعد جب اس معاملہ سے انہوں نے وزیر اعلیٰ سدارامیا کو واقف کروایا تو انہوں نے اضافی فنڈس فراہم کر کے اس با ت کو یقینی بنایا ہے کہ اقلیتی طبقات کی طرف سے جتنے بچوں کی اسکالر شپ کی درخواست موصول ہوئی ہےں ان تمام کو منظور کیا جائے۔ ضمیر احمد خان نے ہدایت دی کہ اس بار بھی اس سلسلہ کو برقرار رکھا جائے۔ اسکالر شپ کےلئے جتنی درخواستیںموصول ہوں گی ان کو منظور کرنے کے ساتھ ساتھ دیگر فلاحی اسکیموں کی طر ف بھی پوری توجہ دی جائے۔ اس میٹنگ میں محکمہ اقلیتی بہبو د کی سکریٹری سلمیٰ فہےم، اقلیتی ڈائرکٹوریٹ کے ڈائرکٹر جیلانی موکاشی ، سرفراز خان اور دیگر موجود تھے۔